13:22, 11 - شىلدە 2015 | GMT +5
يەمەن: اراب كواليتسياسى كۇشتەرى مەن حۋسيتتەر رامازان اياقتالعانعا دەيىن سوعىستى توقتاتۋعا كەلىستى
استانا. قازاقپارات - يەمەندە سەنبىگە قاراعان تۇندە ساۋد ارابياسىنىڭ باسشىلىعىمەن اراب كواليتسياسى مەن كوتەرىلىسشى- حۋسيتتەر اراسىندا التى كۇندىك ءبىتىم باستالدى.
ءبىتىم كەزىندە جەردەگى ايقاستار عانا ەمەس، حۋسيتتەر تاراپىنان كواليتسيا ۇشاقتارى جاسايتىن اۆياسوققىلار دا توقتاتىلۋى ءتيىس، دەپ حابارلادى BBC.
ۇرىستى توقتاتۋعا ب ۇ ۇ باستاماشىلىق ەتتى، وسى ۋاقىتتا ولار ەلگە مۇقتاج جاندارعا گۋمانيتارلىق كومەك جەتكىزۋگە نيەتتى.
ۇيىمدا قاقتىعىستىڭ ەكى تاراپى دا سوعىس ارەكەتتەرىن ۋاقىتشا توقتاتۋعا ءازىر ەكەنىن اتاپ ءوتتى. ءبىتىم قاسيەتتى رامازان ايى اياقتالعانعا دەيىن، ياعني، 16- شىلدەگە دەيىن جالعاسادى دەپ كۇتىلۋدە.
يەمەندەگى قارۋلى قاقتىعىس ءبىر جىلدان بەرى جالعاسىپ كەلەدى. قاقتىعىسقا ءبىر جاعىنان كوتەرىلىسشى حۋسيتتەر، ەكىنشى جاعىنان ساۋد ارابياسىنىڭ باسشىلىعىمەن اراب ەلى قولداعان، كوتەرىلىسشىلەر ەلدەن قۋعان پرەزيدەنتتىڭ اسكەرى قاتىسۋدا.
