ۇيالى بايلانىس ساپاسىن «حالىقتىق باقىلاۋ» باعدارلاماسى قاداعالايتىن بولادى
قازاقستان رەسپۋبليكاسى ينۆەستيتسيالار جانە دامۋ ۆيتسە-ءمينيسترى ساكەن سارسەنوۆتىڭ توراعالىعىمەن وتكەن وتىرىسقا «ۇ ا ت» ا ق، «Kcell» ا ق، «موبايل تەلەكوم-سەرۆيس» ج ش س، «كار-تەل» ج ش س، «التەل» ا ق جانە «قازاق تەلەكوم» وكىلدەرى قاتىستى.
«بۇگىن ايماقتاردا عانا ەمەس، سونىمەن قاتار استانا قالاسىندا دا ۇيالى بايلانىس ساپاسى ءبىزدىڭ تالاپتارعا ساي كەلمەيتىن جەرلەر بار. ونىڭ سەبەپتەرىن انىقتاپ، ولاردى مىندەتتى تۇردە جويۋ كەرەك. بۇنداي جۇمىستى ۇنەمى جۇرگىزىپ وتىرۋ قاجەت»، - دەدى ۆيتسە-مينيستر.
«حالىقتىق باقىلاۋ» باعدارلاماسىن ازىرلەۋشىلەردىڭ ايتۋىنشا، ول ۇيالى ۇكىمەتتىڭ قوسىمشاسى رەتىندە جۇمىس ىستەپ، بايلانىس ساپاسىنا قاتىستى شاعىمدار مەن سۋرەتتەردى قابىلدايتىن بولادى.
جىبەرىلگەن اقپارات بايلانىس، اقپاراتتاندىرۋ جانە اقپارات كوميتەتىنە جانە مامانداندىرىلعان ولشەۋ جابدىقتىڭ كومەگىمەن بايلانىس ساپاسىنا مونيتورينگ جانە تەكسەرۋ وتكىزەتىن «مەملەكەتتىك تەحنيكالىق قىزمەت» ر م ك تىكەلەي جەتكىزىلەتىن بولادى.
ۇسىنىلاتىن قىزمەتتەر ساپاسىنىڭ تومەندەۋىنە قاتىستى ماسەلەلەردى شەشۋ ماقساتىندا، مونيتورينگ ناتيجەلەرى بايلانىس وپەراتورلارىنا جىبەرىلەتىن بولادى. وپەراتورلار بايلانىس ساپاسىن جاقسارتۋ ءۇشىن قاجەتتى شارا قولدانباعان جاعدايدا اكىمشىلىك جازاعا تارتىلاتىن بولادى.
بۇل ارەكەتتەر ۇيالى بايلانىس جەلىلەرىنىڭ جۇمىسىن تەكسەرۋ بارىسىنىڭ اشىقتىعىن جانە تيىمدىلىگىن ارتتىرۋعا، وپەراتورلاردىڭ شىعىندارىن ازايتۋعا جانە ابونەنتتەرمەن بايلانىستى نىعايتۋعا مۇمكىندىك بەرەدى.
وپەراتورلار مەن ۇيالى بايلانىس ابونەنتتەرى «حالىقتىق باقىلاۋ» موبيلدى قوسىمشاسىن تەگىن پايدالانا الادى.
