بۇگىن قازاقستان اۋماعىنىڭ باسىم بولىگىندە جوعارى ءورت قاۋپى ساقتالادى
جەل كۇشەيەدى، ەلدىڭ شىعىسىنىڭ كەي جەرلەرىندە بۇرشاق جاۋۋى ىقتيمال. رەسپۋبليكانىڭ وڭتۇستىگى مەن وڭتۇستىك-باتىسىندا عانا كۇن اشىق بولادى، دەپ حابارلادى توتەنشە جاعدايلار مينيسترلىگى «قازگيدرومەتكە» سىلتەمە جاساپ.
اقمولا، سولتۇستىك قازاقستان، پاۆلودار، شىعىس قازاقستان، تۇندە الماتى، كۇندىز جامبىل، اتىراۋ، باتىس قازاقستان، اقتوبە، قوستاناي، قاراعاندى وبلىستارىنىڭ كەي جەرلەرىندە جەل 15-20 م/س قا دەيىن كۇشەيەدى،
سولتۇستىك قازاقستان وبلىسىنىڭ كەي جەرلەرىندە تۇماندى بولادى، شىعىس قازاقستان وبلىسىنىڭ كەي جەرلەرىندە كۇندىز بۇرشاق جاۋۋى ىقتيمال.
اتىراۋ، اقتوبە، قوستاناي وبلىستارىندا، جامبىل، ماڭعىستاۋ، باتىس قازاقستان، قاراعاندى وبلىستارىنىڭ كەي جەرلەرىندە كۇندىز اپتاپ ىستىق بولادى.
قىزىلوردا، وڭتۇستىك قازاقستان، اقتوبە، جامبىل وبلىستارىنىڭ باسىم بولىگىندە، اتىراۋ، باتىس قازاقستان، قاراعاندى، الماتى، شىعىس قازاقستان وبلىستارىندا وتە جوعارى ءورت قاۋپى ساقتالادى.
