05:19, 11 - شىلدە 2015 | GMT +6
وزدەرىنە قول سالماق بولعان ايەل ءوزى امان قالىپ، ءۇش بالاسى اجال قۇشتى
استانا. قازاقپارات - دۋشانبەدە كۇيەۋىنىڭ ەكىنشى ايەل الۋىنا كەلىسپەگەن جاس ايەل كامەلەتتىك جاسقا تولماعان ءۇش بالاسىمەن بىرگە وزدەرىنە قول سالماق نيەتتە سۋعا سەكىرگەن.
ايەل امان قالىپ، بالالاردى قۇتقارىپ قالۋ مۇمكىن بولمادى.
تاجىكستان توتەنشە جاعدايلار كوميتەتى حابارلاعانداي، قازىر ايەل اۋرۋحانادا جاتىر.
جەرگىلىكتى ءى ءى م دەرەكتەرىنە سۇيەنسەك، ءوز- وزىنە قول سالۋ ارەكەتى بويىنشا قىلمىستىق ءىس قوزعالدى.
ەكىنشى ايەل الۋ ءداستۇرى مۇسىلمان الەمىندە قارسىلىقتار تۋدىرۋدا. تاجىكستاندى قوسا العاندا، ورتالىق ازيادا كوپ ايەل الۋعا زاڭ جۇزىندە تىيىم سالىنعان.
كەي حابارلاماعا سايكەس رەسەيدە ءبىرىنشى جۇبايىمەن اجىراسپاي، نوجاي- يۋرتوۆسكي اۋداندىق ىشكى ىستەر ءبولىم باسشىسى ناجۋد گۋچيگوۆ پەن 17 جاستاعى شەشەن قىزى لۋيزا گويلابيەۆانىڭ ۇيلەنۋ تويى ۇلكەن رەزونانس تۋدىرعان بولاتىن.
