ن. نازاربايەۆتىڭ ءبىلىمى، كاسىپقويلىعى، ساياساتتاعى تاجىريبەسى قازاقستاننىڭ دامۋىنا وراسان زور ۇلەس قوستى - موڭعوليا پرەزيدەنتى

 استانا. قازاقپارات - موڭعوليا پرەزيدەنتى ساحياگين ەلبەگدورج قازاقستان پرەزيدەنتىنىڭ تۋعان كۇنىنە بايلانىستى قۇتتىقتاۋ جولدادى، دەپ حابارلايدى اقوردانىڭ باسپا ءسوز قىزمەتى.

موڭعوليا پرەزيدەنتى نۇرسۇلتان نازاربايەۆتىڭ ەرۋديتسياسى، ءبىلىمى، كاسىپقويلىعى، سونداي- اق مەملەكەتتىك قىزمەتتەگى جانە ساياساتتاعى تاجىريبەسى قازاقستاننىڭ دامۋىنا وراسان زور ۇلەس قوسقانىن ايتادى.

س. ەلبەگدورج مەملەكەت باسشىسىنىڭ موڭعوليا مەن قازاقستان اراسىنداعى دوستىق قارىم- قاتىناستاردى ەكى ەل حالقىنىڭ يگىلىگى ءۇشىن كوپقىرلى سەرىكتەستىك قاعيداتى نەگىزىندە نىعايتۋعا باعىتتالعان كۇش- جىگەرىن ايرىقشا اتاپ وتكەن.

 سوڭىندا موڭعوليا پرەزيدەنتى نۇرسۇلتان نازاربايەۆقا مىقتى دەنساۋلىق، باقىت جانە قىزمەتىنە تابىس تىلەدى.