نازاربايەۆ ۋنيۆەرسيتەتىندە الەمدە بالاماسى جوق كۇن ەلەكتروستانساسى سىناقتان وتۋدە
جوبا نازاربايەۆ ۋنيۆەرسيتەتىنىڭ قىزمەتكەرلەرىمەن جۇزەگە اسۋدا.
«Total» كومپانياسىنىڭ قوعاممەن بايلانىس بويىنشا ديرەكتورى دانيار سالىمبايەۆتىڭ تىلشىلەرگە بەرگەن سۇحباتىندا، اتالمىش تەحنولوگيا كۇن ەنەرگەتيكاسى سالاسىندا تىڭ يەديانىڭ نەگىزىندە قۇرىلعان.
جوبانى جۇزەگە اسىرۋ 2013 - جىلى قولعا الىنعان. بۇگىندە ەلەكتروستانسا سىناق الاڭىندا ىسكە قوسىلدى. ول 30 مەترلىك ەكى ەلەكتر جەتەكتەن تۇرادى. قۇرىلعى تولىقتاي اۆتوماتتاندىرىلعان، كۇن ساۋلەسىنەن ەنەرگيا جاسايتىن زاماناۋي تەحنيكانى كۇتۋ دە قيىن ەمەس.
«بۇل تەحنولوگيا ونەركاسىپكە ەنگىزىلمەستەن بۇرىن سىناقتان ءوتۋى تيىس. سودان كەيىن عانا نارىققا شىعارىلادى. استانا تەگىننەن- تەگىن تاڭدالىپ وتىرعان جوق. بۇل قۇرىلعى اۋا رايىنىڭ بارلىق جاعدايلارىنان: سۋىقتان، ىستىقتان، جەلدەن، جاڭبىردان جانە تاعى باسقا سىناقتاردان وتكىزىلەتىن بولادى»، - دەدى ول.
