16:53, 10 - شىلدە 2015 | GMT +6
اناسى ۇيگە قاماپ كەتكەن بالا ورتەنىپ كەتە جازدادى
استانا. قازاقپارات - ر ف التاي ولكەسى بارناۋىل قالاسىندا اناسى 4 جاسار ۇلىن ۇيدە تىنىش وتىرۋ ءۇشىن جىلۋ باتارەياسىنا بايلاپ، جالعىز قاماپ كەتكەن. سول كەزدە پاتەردەن وت شىعىپ، ەشقايدا قاشا الماعان ءسابيدى كۇيىك شالدى،
دەپ حابارلادى «ن ت ۆ» ارناسى.
تەرگەۋشىلەردىڭ ايتۋىنشا، وقيعا 8 - شىلدە كۇنى بولعان. بارناۋلدا پاتەرلەردىڭ بىرىندە وت شىعىپ، وقيعا ورنىنا جەتكەن قۇتقارۋشىلار باتارەياعا بايلانعان بالانى قۇتقاردى. بەتى مەن دەنەسىن كۇيىك شالعان بالدىرعان جەدەل جاردەممەن اۋرۋحاناعا جەتكىزىلدى. تەرگەۋ كوميتەتى بالانىڭ اناسىندا پسيحيكالىق اۋىتقۋشىلىق بار ەكەنىن ايتقان.
اتالعان ءىس بويىنشا قىلمىستىق ءىس قوزعالدى.
