16:01, 10 - شىلدە 2015 | GMT +5
ن. نازاربايەۆ: شاڭحاي ىنتىماقتاستىق ۇيىمى ءوڭىر ەلدەرىنىڭ تۇراقتىلىعى مەن قاۋىپسىزدىگىنىڭ كەپىلى بولىپ قالۋى ءتيىس
ۋفا. قازاقپارات - ش ى ۇ ءوڭىر ەلدەرىنىڭ تۇراقتىلىعى مەن قاۋىپسىزدىگىنىڭ كەپىلى بولىپ قالۋى ءتيىس. بۇگىن ۋفادا ءوتىپ جاتقان ش ى ۇ مەملەكەت باسشىلارى كەڭەسىنىڭ كەڭەيتىلگەن وتىرىسىندا ءسوز سويلەگەن ەلباسى نۇرسۇلتان نازاربايەۆ وسىلاي ايتتى، دەپ حابارلادى قازاقپارات ءتىلشىسى.
«ءبىزدىڭ الاڭنىڭ ەۆوليۋتسياسىنىڭ، ساپالى جەتىلدىرىلۋىنىڭ جارقىن كورىنىسى بۇگىنگى «2025 -جىلعا دەيىنگى ش ى ۇ- نىڭ دامۋ ستراتەگياسىنا» قول قويۋ بولادى»، - دەدى ق ر پرەزيدەنتى.
بۇعان قوسا، مەملەكەت باسشىسى اتالعان قۇجاتتىڭ الداعى ون جىلداعى شاڭحاي پروتسەسىندەگى جاڭا بەلەسكە كوتەرىلۋىندە اسا ماڭىزدى ەكەندىگىن باسا ايتتى.
«الەمدە ورىن الىپ جاتقان وقيعالار، ۇدەرىستەر اياسىندا ش ى ۇ ءوڭىر ەلدەرىنىڭ تۇراقتىلىعى، قاۋىپسىزدىگى جانە گۇلدەنۋى ءۇشىن كەپىل بولىپ قالا بەرۋى ءتيىس. وسىناۋ اسىرا سىلتەۋسىز تاريحي كەزەڭدەگى ءبىزدىڭ مىندەتىمىز الەمگە بىرلىك، شاڭحاي رۋحىنىڭ بەرىكتىگىن پاش ەتۋ بولۋى ءتيىس»، دەدى ن. نازاربايەۆ.
اۆتور: مارلان جيەمباي
