ن. نازاربايەۆ: قازاقستان شاڭحاي ىنتىماقتاستىق ۇيىمىنا ءۇندىستان مەن پاكىستاننىڭ قوسىلۋىن قولدايدى
بۇگىن ۋفادا ءوتىپ جاتقان شاڭحاي ىنتىماقتاستىق ۇيىمى مەملەكەت باسشىلارى كەڭەسىنىڭ كەڭەيتىلگەن وتىرىسىندا ءسوز سويلەگەن ەلباسى نۇرسۇلتان نازاربايەۆ وسىلاي مالىمدەدى، دەپ حابارلادى قازاقپارات ءتىلشىسى.
«بۇكىل الەمدىك قوعامداستىق ءۇشىن بەيمازا ءارى جاۋاپتى كەزەڭدە شاڭحاي ىنتىماقتاستىق ۇيىمى توزىمدىلىك پەن ومىرگە قابىلەتتىلىك سىناعىن باستان كەشىرۋدە»، دەدى ن. نازاربايەۆ.
سونىمەن قاتار ەلباسى ۋفا سامميتى قازىرگى كەزەڭدەگى سىن- قاتەرلەردى ەڭسەرۋدەگى ناقتى وقيعاعا اينالاتىندىعىنا سەنىم ءبىلدىردى. «ءبىز ۇيىمنىڭ ىقپالىن ودان ارى ءوسىرۋ، الەمدىك ارەناداعى بەدەلىن ارتتىرۋ كەزەڭىندە تۇرمىز»، دەپ قوستى ق ر پرەزيدەنتى.
سونىمەن قاتار مەملەكەت باسشىسى ۇيىم دامۋىنىڭ وڭ ءۇردىسى بار ەكەندىگىن اتاپ ءوتتى.
«وعان ش ى ۇ- نىڭ ەكى ستراتەگيالىق تىرەگىنىڭ قاتارلاسا ىلگەرىلەۋى دالەل بولا الادى. بىرىنشىدەن، ءوز قىزمەتىنىڭ العاشقى كۇنىنەن باستاپ شاڭحاي ۇدەرىسى ناقتى، تەڭگەرىمدى جانە جان- جاقتى قۇرىلىم رەتىندە پاش ەتىلۋدە. وسىعان وراي ءبىز ءۇندىستان مەن پاكىستاننىڭ مۇشە مەملەكەت مارتەبەسىن الۋ پروتسەدۋراسىن ىسكە قوسۋ تۋرالى شەشىمىن تولىقتاي قولدايمىز. ءۇندىستان مەن پاكىستاننىڭ حالىقارالىق بەدەلى، تاجىريبەسى جانە ەكونوميكالىق الەۋەتى ءبىزدىڭ ۇيىمنىڭ بولاشاق پەرسپەكتيۆاسى ءۇشىن زور سۇيەنىش بولادى»، دەدى ن. نازاربايەۆ.
اۆتور: مارلان جيەمباي
