ن. نازاربايەۆ برازيليا پرەزيدەنتىن قازاقستانعا كەلىپ قايتۋعا شاقىردى

ۋفا. قازاقپارات - مەملەكەت باسشىسى نۇرسۇلتان نازاربايەۆ ۋفاداعى بريكس جانە ش ى ۇ سامميتتەرى اۋقىمىندا برازيليا پرەزيدەنتى ديلما رۋسسەففپەن كەزدەستى.

كەزدەسۋ بارىسىندا تاراپتار ەكىجاقتى ساۋدا-ەكونوميكالىق ىنتىماقتاستىق ماسەلەلەرىن، سونداي-اق ونى ودان ءارى كەڭەيتۋ پەرسپەكتيۆالارىن قاراستىردى.

سونىمەن بىرگە، حالىقارالىق كۇن ءتارتىبىنىڭ وزەكتى ماسەلەلەرى بويىنشا پىكىر الىسىلدى.

سونداي-اق نۇرسۇلتان نازاربايەۆ ەكىجاقتى ءوزارا ءىس-قيمىلدى ودان ءارى كەڭەيتۋ ماقساتىندا د. رۋسسەففتى قازاقستانعا ساپارمەن كەلىپ قايتۋعا شاقىردى.