ەڭ ۇزدىك شاش ۇلگىسىنە يە جۇلدىزدار ءتىزىمى جاسالدى

استانا. قازاقپارات - بريتانيالىقتار اراسىندا قىزىق ساۋالناما وتكىزىلدى.

مۋزىكانتتار اراسىنان ەڭ جيناقى دا ادەمى شاش ۇلگىسىنە يە بولعان ادامدى انىقتاۋ كەزىندە امەريكالىق ۇزدىك شىقتى.

ولاي دەيتىنىمىز، ساۋالناماعا قاتىسقان 1500 ادامنىڭ باسىم بولىگى ءوز داۋىسىن اتاقتى ءانشى ەلۆيس پرەسليگە بەرگەن. ونىڭ توبەسىنە جينالىپ، قوقيىپ تۇرسا دا جاراسىمدى كورىنەتىن شاش ۇلگىسىن ستيليست لارري گەللەر تاراعان ەكەن. گەللەر پرەسليمەن جۇمىس ىستەۋ مۇمكىندىگىنە بولا، گولليۆۋدتاعى سالونىن تاستاعان. پرەسلي شاشىنىڭ ۇنەمى جىلتىراۋ قۇپياسى ستيليستىڭ ونى تاراۋ كەزىندە شامپۋن، الوە ۆەرا، شوپتەر مەن دارۋمەندەردى ارالاستىرىپ جاعۋىندا ەكەن. روك- ن- رولل جۇلدىزىنان كەيىنگى ورىندار ءانشى ەمي ۋاينحاۋس پەن بوب مارليگە بۇيىرىپتى.

سونداي-اق مايكل دجەكسوننىڭ بۇيرا شاشى دا بريتانيالىقتاردىڭ ۇنەمى كوڭىلىنەن شىققان. ال ەڭ ناشار شاش ۇلگىسىمەن كوزگە تۇسكەندەردەن «ەۆروۆيدەنيەنىڭ» كەيبىر قاتىسۋشىلارى، شاشىن تاقىرلاپ الىپ تاستاعان ءانشى ايەل شينەيد و'كوننور، كەكىلى كوزىنە تۇسكەن دجاستين بيبەردىڭ اتتارى اتالدى، دەپ جازادى rbc.ru.

www.24.kz