08:31, 10 - شىلدە 2015 | GMT +5
كالينينگراد وبلىسىندا قۇپيا تىلدە جازىلعان قاعاز تابىلدى - سۋرەت
استانا. قازاقپارات - رەسەي فەدەراتسياسىنىڭ كالينينگراد وبلىسى بالتييسك قالاسىندا (1946 -جىلعا دەيىن پيللاۋ دەپ اتالعان) «سپەتسگازاۆتوماتيكا» كومپانياسىنىڭ قىزمەتكەرلەرى گاز قۇبىرىن سالىپ جاتقاندا ىشىندە بەلگىسىز تىلدە جازىلعان قاعاز بار قوڭىر ءتۇستى شىنى بوتەلكە تاپقان، دەپ جازادى «گازەتا رۋ».
جۇمىسشىلار بۇل جاڭالىقپەن ءبولىسۋ ءۇشىن «سترانا كالينينگراد» باسىلىمىنىڭ جۋرناليستەرىن شاقىرتقان.
جۇمىسشىلار بوتەلكەنى سىندىرىپ، ىشىنەن ورالعان ەكى قاعازدى الادى.
سارعايعان ەكى پاراقشادا كالليگرافيالىق ۇلگىدە لاتىن ارىپتەرىمەن جازىلعان بەلگىسىز ءماتىن بولدى. جۋرناليستەر ونى تانىمال لينگۆيستەرگە، ءتىل ماماندارىنا وقىتقانىمەن ەشكىم ونىڭ قاي تىلدە جازىلعانىن ءتۇسىندىرىپ بەر المايدى.
ال، ساراپشىلار بۇل شيفرلانعان قۇپيا ءماتىن ەكەنىن ايتادى. الايدا، ونى كىم جانە نە ءۇشىن جازعانى جۇمباق بولىپ قالماق.
