08:34, 10 - شىلدە 2015 | GMT +5
پولشانىڭ سىرتقى ىستەر ءمينيسترى دەپۋتاتتىڭ ناتسيستىك ارەكەتى ءۇشىن كەشىرىم سۇرادى
استانا. قازاقپارات - پولشانىڭ سىرتقى ىستەر ءمينيسترى گجەگوج سحەتينا ەۋروپارلامەنتتەگى پولشا دەپۋتاتىنىڭ سارسەنبى كۇنگى وتىرىستا جاساعان ارەكەتى ءۇشىن كەشىرىم سۇرادى، دەپ حابارلادى «BBC» اگەنتتىگى پولشالىق ب ا ق- قا سىلتەمە جاساي وتىرىپ.
دەپۋتات يانۋش كورۆين-ميككە ەۋرووداق اۋماعى بويىنشا جۇرۋگە ءبىرىڭعاي بيلەت ەنگىزۋ ماسەلەسى تالقىلانىپ جاتقاندا قولىن فاشيستەرشە كوتەرىپ، دورەكى قىلىق جاسادى.
ول: «ءبىر حالىق، ءبىر رەيح، ءبىر بيلەت»، دەپ گيتلەرلىك گەرمانيا كەزىندەگى ۇراندى وزگەرتىپ ايتتى. ب ا ق دەپۋتاتتىڭ ءسوزىن كەلتىرىپ، ونىڭ سۋرەتىن جاريالاپ جىبەردى.
پولشانىڭ س ءى م باسشىسى ەۋروپارلامەنت پەن سايلاۋشىلار الدىندا دەپۋتاتتىڭ ءجونسىز ارەكەتى ءۇشىن كەشىرىم سۇراپ، ونىڭ قىلىعى ءۇشىن ۇيالاتىندىعىن جەتكىزدى.
