بۇگىن رەسپۋبليكانىڭ سولتۇستىگى مەن شىعىسىندا بۇرشاق جاۋادى
كەي جەرلەردە نايزاعايلى جاڭبىر جاۋىپ، جەل كۇشەيەدى، رەسپۋبليكانىڭ سولتۇستىگىنىڭ جانە شىعىسىنىڭ كەي جەرلەرىندە بۇرشاق جاۋۋى ىقتيمال. رەسپۋبليكانىڭ قالعان ايماقتارىندا اۋا رايى جاۋىن-شاشىنسىز بولادى.
بۇل تۋرالى «قازگيدرومەت» ر م ك حابارلادى. تۇندە اقمولا وبلىسىنىڭ كەي جەرلەرىندە جەل 15-20 م/س كۇشەيەدى، كۇندىز وبلىستىڭ باسىم بولىگىندە جەلدىڭ كۇشى 15-20، كەي جەرلەردە 23 م/س بولادى، كەي جەرلەردە بۇرشاق جاۋۋى ىقتيمال. الماتى وبلىسىنىڭ كەي جەرلەرىندە شاڭدى داۋىل تۇرىپ، جەل 15-20 م/س كۇشەيەدى، كۇندىز جەلدىڭ ەكپىنى 25 م/س بولادى.
قاراعاندى، كۇندىز جامبىل، باتىس قازاقستان، قوستاناي وبلىستارىنىڭ كەي جەرلەرىندە جەل 15-20 م/س كۇشەيەدى. سولتۇستىك قازاقستان، شىعىس قازاقستان، كۇندىز پاۆلودار وبلىستارىندا جەل 15-22 م/س كۇشەيىپ، بۇرشاق جاۋۋى ىقتيمال. اتىراۋ وبلىسىندا، كۇندىز ماڭعىستاۋ، باتىس قازاقستان وبلىستارىنىڭ كەي جەرلەرىندە قاتتى ىستىق كۇتىلەدى.
اقتوبە، قىزىلوردا، وڭتۇستىك قازاقستان وبلىستارىنىڭ باسىم بولىگىندە، جامبىل، اتىراۋ، باتىس قازاقستان، قاراعاندى، الماتى وبلىستارىنىڭ كەي جەرلەرىندە وتە جوعارى ءورت قاۋپى ساقتالادى.
