عارىشكەر ايدىن ايىمبەتوۆتىڭ عارىشقا ۇشۋى تالقىلاندى

استانا. قازاقپارات - استانادا ەلباسىمەن كەزدەسىپ، ءسات ساپار تىلەگىن ەستىگەن قازاقستاندىق عارىشكەر ايدىن ايىمبەتوۆ بۇگىن «قازعارىش» باسشىلىعىمەن كەزدەستى.

ق ر ينۆەستيتسيالار جانە دامۋ مينيسترلىگى «اەروعارىش» كوميتەتىنىڭ ءتوراعاسى، عارىشكەر تالعات مۇسابايەۆ ەلىمىزدىڭ قازاقستاندىق عارىشكەردى ۇشىرۋ تۋرالى وڭ شەشىمىنە بايلانىستى ايدىن ايىمبەتوۆتى قۇتتىقتادى.

«سەنىڭ ۇشۋىڭدى ەلباسىمىز، ءبىزدىڭ عارىش ۆەدومستۆومىز جانە بارشا قازاقستان حالقى قولدادى. عارىشكەر بولۋ مارتەبەسى اركىمگە بۇيىرمادى. سەنى جاقسى تۇسىنەمىن جانە العا قويىلعان مىندەتتى ابىرويمەن ورىندايتىنىڭا سەنىمدىمىن»، - دەدى ت. مۇسابايەۆ.

تالعات مۇسابايەۆ، ونىڭ ورىنباسارلارى ەرعازى نۇرعاليەۆ، مەيىربەك مولدابەكوۆ، ەركىن شايماعامبەتوۆ ايدىن ايىمبەتوۆتىڭ عارىشقا ۇشۋىن ۇيىمداستىرۋ شارالارى جانە تەحنيكالىق ماسەلەلەردى تالقىلادى.

وتانداسىمىز ايدان ايىمبەتوۆ بولاتىن ءۇش ادامدىق ەكيپاج «سويۋز ت م ا - 18» عارىش كەمەسىمەن بايقوڭىردان 2015 -جىلدىڭ 1 -قىركۇيەگىندە ۇشادى دەپ جوسپارلانعان.