17:02, 09 - شىلدە 2015 | GMT +5
قازاقستاندا نەسيەلىك كارتامەن ساۋدا جاساۋعا بولاتىن دۇكەندەر سانى ارتادى
استانا. قازاقپارات - ق ر قارجى مينيسترلىگى مەملەكەتتىك كىرىستەر كوميتەتى ەلىمىزدەگى دۇكەندەردە pos-تەرمينالدار ورناتۋ تۋرالى باستامانى قولعا الۋدا.
بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا قارجى مينيسترلىگى مەملەكەتتىك كىرىستەر كوميتەتىنىڭ ءتوراعاسى داۋلەت ەرعوجين ءمالىم ەتتى.
ونىڭ ايتۋىنشا، بۇگىندە قازاقستاندا 14,8 ميلليون نەسيەلىك جانە دەبيتتىك كارتا تىركەلگەن. ءبىراق سوعان سايكەس قىزمەت ەتەتىن pos-تەرمينالدار تەك 66 مىڭ سالىق تولەۋشىنى عانا قىزمەتپەن قامتي الادى.
«سوندىقتان ءبىز قازىر ۇكىمەتكە pos-تەرمينالدار مەن كاسسالىق باقىلاۋ ماشينالارىن كوبەيتۋ جانە تاراتۋعا ارنالعان باعدارلاما جاساۋ تۋرالى قاجەتتى ۇسىنىستى بەردىك»، - دەپ اتاپ ءوتتى ول.
اۆتور: ءابۋ- اسقار مەكەش ۇلى
