الماتى- قاپشاعاي پويىزى جۇمىسىن توقتاتتى

الماتى. قازاقپارات - وسىدان ءبىر اي بۇرىن اشىلعان الماتى- قاپشاعاي باعىتىنداعى تەمىر جول قۇرامى ءوز جۇمىسىن توقتاتتى.

بۇل تۋرالى قازاقپارات تىلشىسىنە «تۇران ەكسپرەس» كومپانياسىنىڭ ەكونوميسى ءسانجان قاڭلىبايەۆا ايتتى.  

كومپانيا وكىلىنىڭ ايتۋىنشا، جاڭا باعىت تاسىمالداۋشىنى شىعىنعا باتىرعان.   

 «ءبىز الماتى- قاپشاعاي باعىتى جاز مەزگىلىندە سۇرانىسقا يە بولادى دەپ ۇمىتتەندىك. ءبىراق، تۇرعىندارعا ارنايى پويىزدىڭ قاجەتى جوق بولىپ شىقتى. قولىمىزدان كەلگەنشە حالىققا جارناما جاساۋعا تىرىستىق. ءبىراق، ءبارىبىر شىعىنمەن جۇمىس ىستەپ كەلدىك»، - دەدى ول. 

 ايتا كەتەيىك، جاڭا باعىت بيىل ماۋسىمدا اشىلعان بولاتىن. 5 ۆاگوننان تۇراتىن تەمىر جول كولىگى 1,5 ساعاتتا الماتىدان قاپشاعايعا كۇنىنە 2 رەت قاتىنايتىن ەدى.

اۆتور :   گۇلميرا عوسمانالي