ۇيالى تەلەفون ۇرلايمىن دەپ ۇياتقا قالدى

استانا. قازاقپارات - اقتاۋ ستانسياسىنداعى ىشكى ىستەر جەلىلىك بولىمىنە 30 جاستاعى اقتوبە قالاسىنىڭ تۇرعىنى شاعىمدانىپ كەلدى.

ونىڭ ايتۋىنشا، «اقتوبە-ماڭعىشلاق» باعىتىنداعى جولاۋشىلار پوەزىنىڭ ۆاگوندارىنىڭ بىرىنەن ونىڭ سوڭعى ۇلگىدەگى باعالى ۇيالى تەلەفونى قولدى بولعان.

بۇل تۋرالى كولىكتەگى ءى ءى د باسپا ءسوز قىزمەتى حابارلادى.

اقتاۋ ستانسياسىنداعى ىشكى ىستەر جەلىلىك ءبولىمىنىڭ قىزمەتكەرلەرى جەدەل ىزدەستىرۋ شاراسى بارىسىندا 38 جاستاعى اتىراۋ وبلىسىنىڭ تۇرعىنىن «ءىزىن سۋىتپاي» ۇستادى.

تەكسەرۋ بارىسىندا ۇستالعان ازامات ءوز كىناسىن تولىق مويىنداپ، تەلەفوندى ءوز ەركىمەن يەسىنە قايتاردى.

قازىرگى ۋاقىتتا وسى فاكتى بويىنشا ق ر ق ك- ءنىڭ 188-بابىنىڭ 1-بولىمىنە سايكەس سوتقا دەيىنگى تەرگەۋ امالى جۇرگىزىلۋدە.