ق ر ۇكىمەتىندە ش ق و- داعى جاپپاي توبەلەسكە قاتىستى شۇعىل كەڭەس ءوتتى
«8- شىلدەدە ش ق و اقتوعاي ستانساسىندا ق ح ر ازاماتتارى مەن جەرگىلىكتى تۇرعىندار اراسىندا تۇرمىستىق سيپاتتا جاپپاي جانجال ورىن الدى. وكىنىشكە قاراي، قاقتىعىستان ەكى جاقتان دا ادامدار زارداپ شەكتى. وسى ماسەلە بويىنشا ۇكىمەتتە مۇددەلى مەملەكەتتىك ورگانداردىڭ قاتىسۋىمەن شۇعىل جيىن ءوتتى.
ءتارتىپتى رەتكە كەلتىرۋ، بولعان جاعدايدى تىڭعىلىقتى تەرگەۋ ءۇشىن قاجەتتى شارالار قابىلداندى جانە قابىلدانۋدا»، - دەپ ءتۇسىندىردى ق ر س ءى م باسپا ءسوز قىزمەتى.
اتالعان ۆەدومستۆو ەكى جاقتان دا كىنالى ازاماتتار زاڭعا سايكەس جاۋاپكەرشىلىككە تارتىلاتىنىنا سەنىم ءبىلدىردى.
ق ر سىرتقى ىستەر مينيسترلىگى ق ر- داعى ق ح ر ەلشىلىگىنە ءتيىستى جاردەم كورسەتۋدە.
ەسكە سالا كەتەيىك، 8- شىلدەدە ش ق و اياگوز اۋدانىنداعى Kaz Minerals كومپانياسى تاۋ-كەن بايىتۋ كومبيناتىنىڭ اسحاناسىندا جۇمىسشىلاردىڭ ءبىرى تاعامنىڭ ساپاسىنا نارازىلىق ءبىلدىرىپ، كومبينات اسپازشىسىن ۇرعانىن حابارلاعان بولاتىنبىز.
بۇل كاسىپورىن جۇمىسشىلارى اراسىنداعى توپتىق توبەلەستىڭ تۋۋىنا سەبەپ بولدى. اقتوعاي كەنتى پوليتسيا ءبولىمىنىڭ قىزمەتكەرلەرى وقيعا ورنىنا كەلگەن سوڭ، توبەلەس توقتاتىلدى.
