د س ۇ: قازاقستاندىق تاۋار وندىرۋشىلەر بۇرىن بىزدە بولماعان جاڭا تەحنولوگيالارعا قول جەتكىزەتىن بولادى

استانا. قازاقپارات - ينۆەستيتسيالار جانە دامۋ ۆيتسە- مينيسترى البەرت راۋدىڭ ايتۋى بويىنشا، قازاقستاننىڭ دۇنيەجۇزىلىك ساۋدا ۇيىمىنا قوسىلۋى ەلىمىزدىڭ كوپتەگەن ونىمدەرىن ەكسپورتقا شىعارۋ ماسەلەسىنە جاعىمدى ىقپال ەتەتىن بولادى.

ەندى قازاقستان ءوز ونىمدەرىن ساتىپ الىپ كەلگەن ەلدەرمەن ارادا داۋ-جانجالدار پايدا بولسا، ونى دسۇ اياسىندا شەشە الادى. وسى ۇيىمنىڭ قولداۋىنا جۇگىنە الادى. مۇنىڭ ءوزى ەڭ ماڭىزدى شەتەلدىك رىنوكتاردا وتاندىق ەكسپورتتاۋشىلاردىڭ مۇددەسىن قورعاۋدىڭ جاڭا تەتىكتەرىنە قول جەتكىزۋ بولىپ تابىلادى.

سونداي-اق، د س ۇ- عا قوسىلۋ بۇدان بىلايعى ۋاقىتتارى قازاقستاندىق ەكسپورتتىق ونىمدەرگە كەيبىر ەلدەردەن قولدانىلىپ كەلگەن كەدەرگىلەردى جويادى. مۇنىڭ ءوزى وتاندىق ەكسپورتتاۋشىلاردى سىرتقا شىعارىپ ساتاتىن ونىمدەر كولەمىن ارتتىرۋعا ودان ءارى ىنتالاندىرا تۇسەدى. ەۋروپالىق وداق د س ۇ- عا مۇشە ەمەس ەلدەردىڭ ونىمدەرىن ءوز ىشىنە كىرگىزۋدە يمپورتتىق باج سالىقتارىن قولدانىپ كەلگەن بولاتىن. د س ۇ- عا مۇشە بولۋ ارقىلى قازاقستان وسى كەدەرگىنى ەڭسەردى.

مۇنىڭ ءوزى قازاقستاندىق فوسفور، حروم، باسقا دا مەتاللۋرگيالىق ونىمدەردى ەۋروپالىق وداق ەلدەرىنە اپارىپ ساتۋ مۇمكىندىگىن بەرەدى. قازاقستاننىڭ د س ۇ- عا قوسىلۋى ەلىمىزگە تىكەلەي شەتەلدىك ينۆەستيتسيالاردىڭ كەلۋىن ودان ءارى جاقسارتادى. ەلىمىزدە بۇرىن بولماعان جاڭا ونىمدەر وندىرىلە باستايدى. قازاقستاندىق تاۋار وندىرۋشىلەر بۇرىن ءبىزدىڭ قولىمىزعا تيمەي كەلگەن جاڭا تەحنولوگيالارعا قول جەتكىزەتىن بولادى، دەلىنگەن egemen.kz سايتىندا جارىق كورگەن «جاڭا مۇمكىندىكتەر كوكجيەگى» اتتى ماقالادا.

د س ۇ- عا مۇشە مەملەكەتتەرمەن كەلىسسوزدەر جۇرگىزۋ بارىسىندا قازاقستاننىڭ قول جەتكىزگەن جاقسى ءبىر تابىسى ەلىمىزدىڭ اۋىل شارۋاشىلىعى سالاسىنىڭ مۇددەسى جەتكىلىكتى دارەجەدە قورعالۋى بولىپ تابىلادى. قازاقستان اۋىل شارۋاشىلىعى جالپى ءونىمىنىڭ 8,5 پايىزى دەڭگەيىندە وسى سالاعا مەملەكەتتىك قولداۋ شارالارىن جۇرگىزۋگە قول جەتكىزىپ وتىر.

اگرارلىق سالا ەلىمىزدەگى حالىقتى جۇمىسپەن قامتۋشى ەڭ ۇلكەن سالا بولعاندىقتان مۇنى ۇلكەن جەتىستىك دەپ ايتۋعا بولادى. سالىستىرۋ ءۇشىن اتاپ كورسەتسەك، رەسەي، ۋكراينا، قىرعىزستان، مولدوۆا، حورۆاتيا، گرۋزيا وزدەرىنىڭ ۇردىسىمەن جۇرگىزىلگەن كەلىسسوزدەر قورىتىندىسى بويىنشا اۋىل شارۋاشىلىعى سالالارىنا بار بولعانى 5 پايىزدىق قولداۋ كورسەتۋ قۇقىعىنا عانا يە بولدى. دەمەك، ەلىمىزدىڭ اۋىل شارۋاشىلىعى سالاسىنىڭ لايىقتى دارەجەدە قورعالۋى - قازاقستاننىڭ ۇلكەن جەتىستىگى.

ساراپشىلاردىڭ باعالاۋى بويىنشا، قازاقستان د س ۇ- عا قوسىلۋ ارقىلى ورتا مەرزىمدى كەزەڭدە ءى ج و- ءنىڭ 3,7 پايىزى دەڭگەيىندە تيىمدىلىككە يە بولسا، ۇزاق مەرزىمدى بولاشاقتا بۇل تيىمدىلىك دەڭگەيى 9,7 پايىزعا دەيىن جەتەدى.