ن. نازاربايەۆ پەن ۆ. پۋتين ۋفادا ەنەرگەتيكا ماسەلەلەرىن تالقىلاماق

استانا. قازاقپارات - رەسەي پرەزيدەنتى ۆلاديمير پۋتين ۋفادا ءوتىپ جاتقان بريكس ءسامميتى مەن الدا وتەتىن شىۇ ءسامميتىنىڭ اياسىندا قازاقستان پرەزيدەنتى نۇرسۇلتان نازاربايەۆپەن ەكىجاقتى كەلىسىم وتكىزەدى.

پۋتين مەن نازاربايەۆتىڭ ەكىجاقتى كەزدەسۋىنىڭ باستى تاقىرىبى ەنەرگەتيكا ماسەلەلەرى بولماق. بۇل تۋرالى رەسەيلىك كوشباسشىنىڭ كومەكشىسى يۋريي ۋشاكوۆ حابارلادى، دەپ مالىمدەدى تاسس. 

گۋمانيتارلىق بايلانىستاردى دامىتۋ جانە رف مەن قازاقستاننىڭ باسقا دا سالالارداعى ءوزارا ءىس- قيمىلى تالقىلاناتىن بولادى. سونداي- اق ۋشاكوۆ ايتقانداي، ۋفاداعى شارا ۋاقىتىندا نازاربايەۆقا الەكساندر نيەۆسكيي وردەنى تابىس ەتىلەتىن بولادى. ««قازاقستان- رەسەي ىنتىماقتاستىعىنداعى جوسپارلاردىڭ دامۋىنا، ەۋرازيالىق ينتەگراتسيالىق ۇدەرىستەردى العا جىلجىتۋداعى ەكىجاقتى ىقپالداستىققا قوسقان ولشەۋسىز ۇلەسى ءۇشىن» ن. نازاربايەۆتى وسى وردەنمەن ماراپاتتاۋ تۋرالى جارلىققا پۋتين ماۋسىمدا قول قويعان.