بەلگىلى ايتىسكەر اقىن تۇركىستان قالالىق ءبىلىم ءبولىمىنىڭ باسشىسى بولىپ تاعايىندالدى

استانا. قازاقپارات - ەلىمىزگە بەلگىلى ايتىسكەر اقىن بەكارىس شويبەكوۆ تۇركىستان قالالىق ءبىلىم ءبولىمىنىڭ باسشىسى بولىپ تاعايىندالدى.

بۇل تۋرالى اتالعان ۆەدومستۆونىڭ facebook-تەگى پاراقشاسىندا حابارلاندى.

بەكارىس شويبەكوۆ 1976 - جىلى وتىرار اۋدانىندا تۋعان، قوجا احمەت ياساۋي اتىنداعى قازاق- تۇرىك ۋنيۆەرسيتەتىن قازاق ءتىلى جانە ادەبيەت ءپانى مۇعالىمى ماماندىعى بويىنشا 1997 - جىلى ءتامامداعان. وسى ۋنيۆەرسيتەتتىڭ ماگيستراتۋراسىن (1999) ، اسپيرانتۋراسىن (2002) بىتىرگەن.

1988 - جىلدان وبلىستىق، ايماقتىق، رەسپۋبليكالىق، حالىقارالىق ايتىستارعا قاتىسىپ كەلەدى. جامبىلدىڭ 150 جىلدىعىنا ارنالعان حالىقارالىق ايتىستىڭ، قابانباي باتىردىڭ 300 جىلدىعىنا ارنالعان رەسپۋبليكالىق ايتىستىڭ، تاشكەنت جانە تۇركىستان قالالارىندا وتكەن تۇركىستاننىڭ 1500 جىلدىعىنا ارنالعان حالىقارالىق ايتىستاردىڭ، رەسپۋبليكالىق « ۇلىتاۋ ءۇنى» فەستيۆالىنىڭ، 2004 - جىلى وتكەن رەسپۋبليكالىق ناۋرىز ايتىسىنىڭ، ن. وڭداسىنوۆتىڭ 100 جىلدىعىنا ارنالعان رەسپۋبليكا ايتىستىڭ باس جۇلدەگەرى.

«قازاقستاننىڭ تاۋەلسىزدىگىنە 10 جىل» مەرەكەلىك مەدالىنىڭ يەگەرى، وتىرار اۋدانىنىڭ قۇرمەتتى ازاماتى، و ق و- نىڭ 2004 - جىلعى ەڭ ۇزدىك اقىنى. دۇنيەجۇزىلىك جاس تۇرىك جازۋشىلارى وداعىنىڭ قازاقستانداعى وكىلى. «نۇر وتان» پارتياسىنىڭ ساياسي مۇشەسى.

ءار جىلدارى قازاق ءتىلى جانە ادەبيەت ءپانىنىڭ مۇعالىمى، تۇركىستان قالالىق دارىندى بالالارعا ارنالاعان «ونەر» مەكتەبىنىڭ ديرەكتورى. ق. ا. ياساۋي اتىنداعى حالىقارالىق قازاق- تۇرىك ۋنيۆەرسيتەتىنىڭ وقىتۋشىسى، حالىقارالىق قاتىناستار ءبولىمىنىڭ باسشىسى. 2015 - جىلدان باستاپ وسى ۋاقىتقا دەيىن شىمكەنت قالاسىنداعى وبلىستىق «ادەپ- عۇرىپ جانە سالت- ءداستۇر» ورتالىعى ديرەكتورىنىڭ ورىنباسارى قىزمەتتەرىن اتقارىپ كەلگەن.