تارازدا اتاقتى جاپوندىق شيحان ماسافۋمي تاگاحارا ۇرىس ونەرىنەن شەبەرلىك ساباقتارىن وتكىزەدى - فوتو

تاراز. قازاقپارات - تارازدا اتاقتى جاپوندىق شيحان، جاپونيانىڭ جانە الەمنىڭ ۇرىس ونەرىنەن كوپتەگەن مارتە چەمپيونى ماسافۋمي تاگاحارانىڭ باسشىلىعىمەن كيوكۋشينكاي-كان بويىنشا جاتتىعۋ جيىندارى وتۋدە.

وبلىستىق سپورت جانە دەنەشىقتىرۋ باسقارماسىندا تۇسىندىرگەندەي، جيىن بارىسىندا كۋميتە جانە كاتاعا ازىرلىك، سونداي-اق تورەلىك ەتۋ جانە جالپى دەنە دايىندىعى بويىنشا سەمينارلار ۇيىمداستىرىلادى.

«اتلەتيك» سپورت كەشەنى بيىل قاتىسۋشىلاردىڭ رەكوردتى كورسەتكىشىن جينادى. بارلىق وبلىستىق قۇراما كوماندالاردان 500 گە دەيىنگى سپورتشى جاپوندىق شيحان ماسافۋمي تاگاحارا وتكىزەتىن شەبەرلىك ساباقتارىنا قاتىسا الادى.

جيىن اياقتالعاننان كەيىن دان-تەست (شەبەرلىك دارەجەسىنە اتتەستاتتاۋ) وتەدى، ونىڭ بارىسىندا سپورتشىلار 1-، 2 جانە 3- دان قارا بەلبەۋلەرىنە اتتەستاتسيادان وتەدى.

سپورت شاراسىن وتكىزۋ رەسپۋبليكالىق ۇلتتىق كيوكۋشينكاي-كان كاراتە فەدەراتسياسىنا جۇكتەلگەن.