جامبىلدىق جاستار جىرشىلىق ونەردە سايىسقا ءتۇستى
دەپ حابارلادى شارانى ۇيىمداستىرعان جامبىل وبلىسى اكىمدىگىنىڭ ىشكى ساياسات باسقارماسى.
قازىلار القاسىنىڭ قۇرامىنا ءوڭىردىڭ مادەنيەت، ونەر جانە ب ا ق وكىلدەرى شاقىرىلدى. جامبىل وبلىسىنىڭ بارلىق اۋداندارى مەن قالالارىنان كەلگەن ءارتۇرلى جاستاعى 14 بايقاۋ قاتىسۋشىسى ەپيكالىق شىعارمالاردان ۇزىندىلەر وقىپ، قازاق باتىرلارى، تاريحي تۇلعالار جانە حالىقتىڭ ادامگەرشىل قاسيەتتەرى تۋرالى اڭگىمەلەدى.
«ءبىزدىڭ ەجەلگى جەرىمىز تالانتتارمەن اتاعى شىققان، - دەدى قازىلار القاسىنىڭ وكىلى، تاراز پەداگوگيكالىق ينستيتۋتىنىڭ دوتسەنتى جامبىل كۇزەمبايەۆ. - بۇل كونكۋرس قازىرگى جاستاردىڭ رۋحاني دۇنيەلەرگە بەي- جاي قارامايتىنىن كورسەتتى. ءبىزدىڭ جاستارىمىز ءوز اتا- بالالارىنىڭ تاريحىن بىلگىسى كەلەدى، حالىقتىڭ مادەنيەتى جانە داستۇرلەرىن ماقتان ەتەدى» .
وبلىستىق بايقاۋدىڭ گران- پريىن رىسقۇلوۆ اۋدانىنان 7- سىنىپ وقۋشىسى جانسايا سارسەنبايەۆا جەڭىپ الدى.
ءبىرىنشى ورىنعا - شۋ اۋدانىنداعى «شۋ ءوڭىرى» گازەتىنىڭ ءتىلشىسى جانسايا شىڭعىسحان قىزى يە بولدى. ەكىنشى ورىندا - سارىسۋ اۋدانىنان بالالار شىعارماشىلىعى مەكتەبىنىڭ تاربيەلەنۋشىسى سۆەتلانا سەرداليەۆا. ءۇشىنشى ورىنداردى مويىنقۇم اۋدانىنان تىرەك مەكتەبىنىڭ 6- سىنىپ وقۋشىسى شاپاعات ميتاش پەن قورداي اۋدانىنان 11- سىنىپ وقۋشىسى نۇرعيسا تۇرعاليەۆ ءبولىستى.
«ەجەلگى اڭىزداردا قازاق حالقىنىڭ ارمان- مۇڭى كەستەلەنگەن. بۇل اڭىزداردا اتاقتى جانىبەك جانە كەرەي حاندار تۋرالى تاريحي مالىمەتتەر دە مول. ەجەلگى جىرلار مەن اڭىزداردان حالقىمىزدىڭ ەڭ اسىل قاسيەتتەرىن - وتانعا دەگەن سۇيىسپەنشىلىكتى، ادالدىقتى، پاراساتتىلىقتى جانە ەڭبەكسۇيگىشتىك قاسيەتتەردى ۇيرەنىپ، قازاق ءتىلىنىڭ شۇرايلى يىرىمدەرىن سەزىنۋگە بولادى. وتكەنسىز بۇگىنگى جانە بولاشاق جوق، دەپ تەگىنەن- تەگىن ايتىلماعان» ، - دەپ، ءوز ويلارىمەن ءبولىستى بايقاۋ جەڭىمپازى جانسايا سارسەنبايەۆا.
