بۇگىن قازاقستاننىڭ باسىم بولىگىندە تۇراقسىز اۋا رايى ساقتالادى

استانا. قازاقپارات - 9- شىلدە كۇنى قازاقستاننىڭ باسىم بولىگىندە تۇراقسىز اۋا رايى ساقتالادى، كەي جەرلەردە نايزاعايلى جاڭبىر جاۋىپ، جەل كۇشەيەدى، رەسپۋبليكانىڭ شىعىسىنىڭ كەي جەرلەرىندە بۇرشاق جاۋۋى ىقتيمال، تەك وڭتۇستىك، وڭتۇستىك-باتىسىندا اۋا رايى جاۋىن-شاشىنسىز بولادى.

بۇل تۋرالى «قازگيدرومەت» ر م ك حابارلادى.

اقمولا، سولتۇستىك قازاقستان، قوستاناي، اقتوبە، الماتى، شىعىس قازاقستان وبلىستارىنىڭ، كۇندىز وڭتۇستىك قازاقستان، اتىراۋ، باتىس قازاقستان، پاۆلودار وبلىستارىنىڭ كەي جەرلەرىندە جەل 15-20 م/س كۇشەيەدى، شىعىس قازاقستان وبلىسىنىڭ كەي جەرلەرىندە بۇرشاق جاۋۋى ىقتيمال.

كۇندىز اتىراۋ وبلىسىنىڭ باسىم بولىگىندە، ماڭعىستاۋ، باتىس قازاقستان وبلىستارىنىڭ كەي جەرلەرىندە قاتتى ىستىق كۇتىلەدى.

اقتوبە،  قىزىلوردا، وڭتۇستىك قازاقستان وبلىستارىنىڭ باسىم بولىگىندە، جامبىل، اتىراۋ، باتىس قازاقستان، قاراعاندى، الماتى وبلىستارىنىڭ كەي جەرلەرىندە وتە جوعارى ءورت قاۋىپى ساقتالادى.