21:21, 08 - شىلدە 2015 | GMT +6
ءۇندىستاننىڭ شاڭحاي ىنتىماقتاستىق ۇيىمىنا كىرۋ ۇدەرىسى باستالادى
استانا. قازاقپارات - شاڭحاي ىنتىماقتاستىق ۇيىمى (ش ى ۇ) ءۇندىستاننىڭ تولىققاندى ۇيىم قۇرامىنا ەنۋ ۇدەرىسىن باستايدى، دەدى رەسەي پرەزيدەنتى ۆلاديمير پۋتين ءۇندىستاننىڭ پرەمەر- ءمينيسترى نارەندرا موديمەن كەزدەسۋىندە.
بۇل تۋرالى «ۋترو. رۋ» حابارلادى.
«شاڭحاي ىنتىماقتاستىق ۇيىمىنا ءۇندىستاننىڭ ەنۋ ۇدەرىسىن باستايمىز»، - دەدى ۆ. پۋتين.
ر ف پرەزيدەنتى رەسەيدىڭ ب ر ي ك س- تە ءتوراعالىق ەتۋىنە قولداۋ بىلدىرگەنى ءۇشىن موديگە العىس ايتتى.
پرەزيدەنت سامميت بارىسىندا ب ر ي ك س ەلدەرى سەرىكتەستىگىنىڭ كوپ مەرزىمدىك ستراتەگياسىن قابىلداپ، دامۋ بانكىنىڭ جۇمىسىن باستاۋ كەرەكتىگىن ايتتى.
رەسەي، قىتاي، قازاقستان، قىرعىزستان، تاجىكستان مەن وزبەكستان - ش ى ۇ مۇشە ەلدەر. ال باقىلاۋشى ستاتۋسىنا موڭعوليا، ءۇندىستان، يران، پاكىستان مەن اۋعانستان يە. 2014 - جىلدىڭ قىركۇيەگىندە پاكىستان مەن ءۇندىستان ش ى ۇ- عا كىرۋ جونىندەگى رەسمي تۇردە ءوتىنىش بىلدىرگەن.
