قازاقستان قارۋلى كۇشتەرى جاۋىنگەرلىك ازىرلىكتىڭ جوعارى دارەجەسىنە كەلتىرىلدى - فوتو
وقۋ دابىلىنىڭ بەلگىسى بويىنشا ق ر قورعانىس مينيسترلىگى ورتالىق اپپاراتى قۇرىلىمدىق بولىمشەلەرىنىڭ، وڭىرلىك قولباسشىلىق اسكەرلەرىنىڭ، اسكەر تەكتەرى مەن تۇرلەرىنىڭ بارلىق جەكە قۇرامى كوتەرىلدى، دەپ حابارلادى ق ر قورعانىس مينيسترلىگىنىڭ باسپا ءسوز قىزمەتى.
قارۋلى كۇشتەر توپتاماسىن جالپى باسشىلىققا الۋ ستراتەگيالىق باسقارۋ ورتالىعىنان ق ر ق ك باس شتابىنىڭ باستىعى گەنەرال- پولكوۆنيك ساكەن جاسۇزاقوۆپەن جۇزەگە اسىرىلدى.
باس شتابتىڭ پارمەنى بويىنشا قۇرلىق اسكەرلەرىنىڭ توپتاماسى وقۋ- جاتتىعۋ ورتالىقتارى مەن پوليگونداردا وقۋ- جاۋىنگەرلىك تاپسىرمالاردى ورىنداۋعا كىرىستى. بۇل رەتتە 3000 بىرلىكتەن استام قارۋ- جاراق پەن اسكەري تەحنيكا تارتىلدى.
اۋە قورعانىسى كۇشتەرىنىڭ قۇرامىنان اۋەگە جاۋىنگەرلىك كەزەكشىلىكتى اتقاراتىن كۇشتەر مەن قۇرالدار كوتەرىلدى، ءارتۇرلى تيپتەگى اۆياتسيالىق تەحنيكانى ىسكە قوسۋ جۇزەگە اسىرىلدى، پايدالانۋعا قوسالقى اۋەايلاقتار دايىندالدى.
كورابلگە قارسى، اۋە شابۋىلىنا قارسى جانە سۋاستىعا قارسى ديۆەرسيالىق قورعانىس بويىنشا وقۋ تاپسىرمالارىن پىسىقتاۋ ءۇشىن تەڭىزگە اسكەري- تەڭىز كۇشتەرىنىڭ كورابلدەرى شىعارىلدى.
وتكىزىلەتىن ساباقتاردىڭ باستى ماقساتى بەلگىلەنگەن مەرزىمدە قويىلعان جاۋىنگەرلىك تاپسىرمالاردى ورىنداۋدا باسقارۋ ورگاندارى مەن جەكە قۇرامنىڭ ءىس- قيمىلدارىنىڭ ۇيلەسۋىن ارتتىرۋ بولىپ تابىلادى.
