ەلباسى ن. موديدى حالىقارالىق يوگا كۇنىمەن قۇتتىقتادى
«قازاقستان-ءۇندىستان قارىم-قاتىناسى ءارۋاقىتتا دا سەنىم مەن ءوزارا تۇسىنىستىك رۋحىندا دامىپ كەلدى. ءسىزدىڭ ساپارىڭىز، شىن مانىندە، بىزدەر ءۇشىن جانە بىزدەردىڭ ءوزارا قارىم-قاتىناسىمىز ءۇشىن تاريحي وقيعا. ءبىز قازىر سىزبەنەن ەكونوميكاداعى، ساياساتتاعى، وڭىرلىك جانە حالىقارالىق احۋالداعى قارىم-قاتىناستىڭ بارلىق اسپەكتىلەرىن بارىنشا كەڭىنەن، سەنىمدى تۇردە تالقىلادىق»، - دەدى ن. نازاربايەۆ.
مەملەكەت باسشىسى ەكى ەلدىڭ حالىقارالىق كۇن ءتارتىبى ۇقساس ەكەندىگىن، ساۋدا-ەكونوميكالىق سالانىڭ زور الەۋەتى، سان عاسىرلىق دوستىق، مادەني-تاريحي بايلانىستار رۋحى باۋىرلاس حالىقتاردى جاقىنداتا تۇسەتىندىگىن اتاپ ءوتتى. سونىمەن قاتار ەلباسى قولدا بار الەۋەتتى ەكى حالىقتىڭ يگىلىگى ءۇشىن جانە ەكى مەملەكەتتىڭ گۇلدەنۋى ءۇشىن پايدالانۋ قاجەتتىگىن باسا ايتتى.
«مەن ءسىزدى جانە ءۇندى حالقىن ءسىزدىڭ پرەمەر-مينيستر بولىپ سايلانۋىڭىزبەن جانە حالقىڭىزدىڭ يگىلىگى ءۇشىن جۇزەگە اسىرماق بولىپ وتىرعان زور باعلارلامالارىڭىزبەن قۇتتىقتايمىن. سونىمەن قاتار ءسىزدى جانە ءۇندىستان حالقىن ءسىزدىڭ ۇسىنىڭىزبەن ب ۇ ۇ قابىلداعان حالىقارالىق يوگا كۇنىنىڭ وتۋىمەن قۇتتىقتايمىن. بۇل - بۇكىل الەمدىك قوعامداستىقتىڭ ءۇندى حالقىنىڭ رۋحاني مۇراسىن مويىنداۋى. ءبىزدىڭ كەزدەسۋىمىز جانە ءسىزدىڭ ساپارىڭىز ءبىزدىڭ قارىم-قاتىناسىمىزدى نىعايتىپ، جاڭا دەڭگەيگە كوتەرەدى دەپ سەنەمىن. ءبىز مۇنىڭ بارلىعىن جەكە كەزدەسۋىمىزدە تالقىلادىق»، - دەدى ق ر پرەزيدەنتى.
اۆتور: مارلان جيەمباي
