نۇرسۇلتان نازاربايەۆ تۋرالى كىتاپ جارىققا شىقتى
جاڭا باسىلىم سوڭعى جىلدارى ءال-فارابي اتىنداعى قازاق ۇلتتىق ۋنيۆەرسيتەتى شىعارىپ كەلە جاتقان بەلگىلى «ونەگەلى ءومىر» اتتى كىتاپتار سەرياسىنىڭ ارنايى شىعارىلىمى بولىپ تابىلادى.
كىتاپتا پرەزيدەنتتىڭ ءومىرى مەن قىزمەتىنە قاتىستى اۆتوبيوگرافيالىق ماتەريالداردان بولەك «ءوزىن-ءوزى ساقتاي بىلگەن حالىق - تالانتتى حالىق» دەپ اتالاتىن بولىمدە پرەزيدەنتتىڭ تاريحي-تانىمدىق جانە رۋحاني-مادەني قۇندىلىققا يە شىعارمالارى، مەملەكەت باسشىسىنىڭ دارىستەرى مەن جاستار فورۋمدارىندا سويلەگەن سوزدەرى، تاۋەلسىزدىكتىڭ قالىپتاسۋى مەن جاس ۇرپاقتىڭ بولاشاعى تۋرالى ويلارى توپتاستىرىلعان.
بەلگىلى مەملەكەت جانە قوعام قايراتكەرلەرىنىڭ، اتاقتى وتاندىق جانە شەتەلدىك عالىمداردىڭ، ەلباسى زامانداستارىنىڭ الەمدىك دەڭگەيدەگى ساياساتكەر جانە ستراتەگ رەتىندەگى ول تۋرالى جاريالانىمدارى شىعارىلىمنىڭ قۇندىلىعىن بايىتا تۇسكەن. كىتاپقا قۇندى مالىمەتتەر، قىزىقتى ارحيۆ قۇجاتتارى مەن ءار جىلدارداعى سۋرەتتەر ەنگىزىلگەن.
باسىلىم بارشا وقىرمان قاۋىمعا، اسىرەسە، پرەزيدەنت ن. ءا. نازاربايەۆتىڭ ومىرلىك جولىن ۇلگى ەتەر جاستارعا ارنالعان.
اۆتور: گۇلميرا عوسمانالي
