10:57, 09 - شىلدە 2015 | GMT +6
قازاقستان رەسەيگە زىمىران شابۋىلى تۋرالى ەسكەرتۋ جۇيەسىن پايدالانۋ ءۇشىن بالقاش تورابىن بەرەدى
استانا. قازاقپارات - بۇگىن پارلامەنت ءماجىلىسىنىڭ جالپى وتىرىسىندا پالاتا دەپۋتاتتارى «قازاقستان رەسپۋبليكاسىنىڭ ۇكىمەتى مەن رەسەي فەدەراتسياسىنىڭ ۇكىمەتى اراسىنداعى قازاقستاندىق بالقاش تورابىن بەرۋ شارتتارى جانە ونى زىمىران شابۋىلى تۋرالى رەسەي ەسكەرتۋ جۇيەسىندە ودان ءارى پايدالانۋ ءتارتىبى تۋرالى كەلىسىمدى راتيفيكاتسيالاۋ تۋرالى» زاڭ جوباسىن وندىرىسكە الدى.
«بۇل كەلىسىم قازاقستان رەسپۋبليكاسىنىڭ اۋماعىنداعى بالقاش تورابىن زىمىران شابۋىلى تۋرالى رەسەيدىڭ ەسكەرتۋ جۇيەسىندە پايدالانۋ ءتارتىبىن ايقىنداۋعا باعىتتالادى. كوميتەت وسى زاڭ جوباسىن جۇمىسقا الۋعا جانە ول بويىنشا قورىتىندى ازىرلەۋگە دايىن»، - دەدى ءماجىلىستىڭ حالىقارالىق ىستەر، قورعانىس جانە قاۋىپسىزدىك كوميتەتىنىڭ ءتوراعاسى ماۋلەن اشىمبايەۆ.
ونىڭ ايتۋىنشا، زاڭ جوباسىنا 2015-جىلدىڭ 10- قاراشاسىنا دەيىن قورىتىندى ازىرلەيتىن بولادى.
اۆتور: قانات مامەتقازى ۇلى
