قىتايدا سامميتتەر تۋرالى انيماتسيالىق ۆيدەوروليكتى ميلليوننان استام ادام تاماشالاعان - كەسكىن

بەيجىڭ. قازاقپارات - وتكەن جۇمادا «فۋسين كوشەسىندەگى جۇمىس ستۋدياسى» «شاڭحاي ىنتىماقتاستىق ۇيىمىمەن (ش ى ۇ) بريكس سامميتتەرىنە شي اعامەن بىرگە بارامىز» جاڭا انيماتسيالىق ۆيدەوروليگىنىڭ تانىستىرىلىمى ءوتتى.

 وندا عالامتور- پايدالانۋشىلاردىڭ سۇراقتارىنا جاۋاپ بەرىلدى. كەشەگى كۇننىڭ كەشىنە دەيىن پايدالانۋشىلار كەسكىندى 1,3 ميلليوننان استام رەت تاماشالاعان.

 حالىقارالىق دەڭگەيلەردەگى كەزدەسۋلەرگە ارنالعان مۇنداي ۆيدەوروليك باسپا ءسوز ءماسليحاتى تۇرىندە ءوتتى. انيماتسيالىق پەرسوناج - حە تسزين ەسىمدى قىز (ش ى ۇ مەن بريكس قىتايلىق اتاۋلارىنىڭ بىرىگۋى) - ەكى بىرلەستىك بويىنشا ساراپشى - التى وتكىر ساۋالعا جاۋاپ بەرەدى. ينتەرنەت- پايدالانۋشىلار: ش ى ۇ مەن بريكس سامميتتەرى دەگەن نە؟ نەلىكتەن ەكى كەزدەسۋ ءبىر ۋاقىتتا، ءبىر قالادا وتەدى؟ بىرلەستىككە مۇشە مەملەكەت باسشىلارىنا ۇنەمى وسىلاي كەزدەسۋ وتكىزۋ قىزىقتى ما؟ ءبىر دە ءبىر دامىعان ەل جوق، سامميتتەر بەدەلدى بولا ما؟ دەگەن سۇراقتار قويدى.

 «ش ى ۇ مەن بريكس سامميتتەرىنە شي اعامەن بىرگە بارامىز» - بۇل «فۋشين كوشەسىندەگى جۇمىس ستۋدياسىنىڭ» قىتايلىق ءتوراعانىڭ شەتەلدىك ساپارعا بارۋى تۋرالى العاشقى ۆيدەوروليك ەمەس. بۇل ستۋديا وسىعان دەيىن جاريالانعان ساياسي تاقىرىپتاعى «قىتاي باسشىلارى قالاي شىنىقتى»، «شي اعامەن رەسەيگە بارامىز» ۆيدەولارىمەن بەلگىلى بولدى. اقپاراتپەن تانىستىرۋ ۇلگىسى ءار ءتۇرلى، انيماتسيا، ميكروفيلم، سۇحباتتان بريفينگكە دەيىن بولۋى مۇمكىن. ءار ۆيدەوروليكتىڭ ەرەكشەلىگى بار.

ەسكە سالا كەتەيىك، رەسەلىك ۋفا قالاسىندا (باشقۇرتستان) 8-10 -شىلدەدە بريكس ءسامميتى (بەس ەلدەن تۇراتىن توپ: برازيليا، رەسەي، ءۇندىستان، قىتاي، وڭتۇستىك افريكا رەسپۋبليكاسى) ، 9 -شىلدەدە - بريكس، ش ى ۇ جانە ە ا ە و مۇشە- ەلدەرى باسشىلارىنىڭ بەيرەسمي كەزدەسۋى، ال 10 -شىلدەدە - شاڭحاي ىنتىماقتاستىق ۇيىمىنىڭ ءسامميتى وتەدى.