جاپونيا جاعالاۋىندا شىڭعىسحان نەمەرەسىنىڭ كەمەسى تابىلدى

استانا. قازاقپارات - جاپونيالىق ارحەولوگتار تاكاسيما ارالىنىڭ ماڭىندا 15 مەتر تەرەڭدىكتە باتىپ كەتكەن XIII عاسىردىڭ كەمەسىن تاپتى.

عالىمداردىڭ دەرەكتەرىنشە، كەمە شىڭعىسحاننىڭ نەمەرەسى قۇبىلاي حان باسقارعان موڭعول ارماداسىنىڭ قۇرامىندا بولعان. 1281 -جىلى بولعان داۋىل سالدارىنان جاپونيا جاعالاۋىنىڭ ماڭىندا باتىپ كەتكەن. كەمە ولشەمدەرى: ۇزىندىعى 12 مەتر جانە ەنى 3 مەتر.

بۇل وسى كۇنگە دەيىن انىقتالعان موڭعولداردىڭ جاپونياعا شاپقىنشىلىعىنا قاتىسقان ەكىنشى كەمەسى. العاشقىسى 2011 -جىلى تابىلعان.

«الداعى ۋاقىتتا زەرتتەۋلەر ناتيجەسىندە تاعى دا باتىپ كەتكەن موڭعول كەمەلەرىن تابىلادى دەگەن ويدامىز»، - دەيدى زەرتتەۋ جۇمىستارىنىڭ باسشىسى ريۋكيۋ ۋنيۆەرسيتەتىنىڭ وكىلى يوشيفۋمي يكەدا.