07:52, 08 - شىلدە 2015 | GMT +6
پرەزيدەنت ءوز سارايىندا مەشىت اشتى
استانا. قازاقپارات - تۇركيا پرەزيدەنتى رەدجەپ تايىپ ەردوعان انكارا قالاسىنىڭ بەشتەپە اۋدانىندا ورنالاسقان سارايىندا مەشىت اشقانى تۋرالى جاريا ەتتى، دەپ حابارلايدى اسسوشيەيتەد پرەسس.
مۇنارالارىنىڭ بيىكتىگى شامامەن 60 مەترگە جەتەتىن، 3000 ادامعا دەيىن قۇلشىلىق ەتۋگە ارنالعان مەشىت تۇرىك استاناسىنداعى ەڭ بيىك مەشىتتەردىڭ بىرىنە اينالدى.
قۇدايعا قۇلشىلىق ورنىنىڭ اشىلۋ سالتاناتىندا تۇركيا پرەزيدەنتى مەشىتتىڭ حالىق يگىلىگىنە قىزمەت ەتەتىنىن جەتكىزدى.
«بەشتەپەدەگى جاڭا مەشىت ءبىزدىڭ بىرلىگىمىزدى نىعايتىپ، باۋىرمالدىعىمىزدى ارتتىرا تۇسەدى دەگەن ۇمىتتەمىن»، - دەپ جازدى ەل باسشىسى ءوزىنىڭ تۆيتتەردەگى پاراقشاسىندا.
