ن. نازاربايەۆ گەرمانيانىڭ قونىس اۋدارۋشىلار ۇيىمدارى وداعىنىڭ التىن بەلگىسىمەن جانە قۇرمەت گراموتاسىمەن ماراپاتتالدى

 دەپ حابارلايدى ق ر س ءى م باسپا ءسوز قىزمەتى.

ميلليونداعان نەمىس ۇلتتى بۇرىنعى قازاقستان ازاماتتارىنىڭ اتىنان بۋندەستاگ دەپۋتاتى گەنريح سەرتيك، گەرمانيانىڭ قونىس اۋدارۋشىلار ۇيىمدارى وداعىنىڭ ءتوراعاسى ۆالدەمار ايزەنبراۋن، قازاقستان نەمىستەرى قوعامىنىڭ ءتوراعاسى اناتولي گراف «قازاقستاننىڭ ميلليونعا جۋىق نەمىس ۇلتتى بۇرىنعى ازاماتتارى تۋىپ- ءوسىپ، ءبىلىم العان ەلى - قازاقستانمەن وتباسىلىق، ىسكەرلىك جانە مادەني بايلانىستاردى ۇزبەي، ونى ماقتان تۇتادى»، - دەپ اتاپ ءوتتى. ولار قيىن- قىستاۋ زاماندا قازاق حالقىنىڭ نەمىس حالقىن قۇشاق جايىپ قابىلداعانىن ەشقاشان ۇمىتپايتىنىن ايتتى.

قازاقستاندا قازىرگى ۋاقىتتا نەمىس دياسپوراسىنىڭ الەۋمەتتىك- ەكونوميكالىق دامۋى جانە مادەني ەرەكشەلىگى قامتاماسىز ەتىلگەن، نەمىس ءتىلى بەلسەندى دامۋدا، نەمىس تەاترى، گازەت، راديو جانە ت م د- عى ءبىرىنشى بولىپ اشىلعان الماتى قالاسىندا قازاق- نەمىس ۋنيۆەرسيتەتى جۇمىس ىستەيدى. «وسىنىڭ بارلىعى تاۋەلسىز قازاقستاننىڭ تۇڭعىش پرەزيدەنتىنىڭ سىندارلى ساياساتىنىڭ ارقاسىندا مۇمكىن بولىپ وتىر. گەرمانيادا نەمىس حالقىنىڭ قازاقستاندا قولداۋ تاپقانى مەن دامۋىن نۇرسۇلتان ءابىش ۇلىنىڭ زور ۇلەسى دەپ ءتۇسىنىپ، جوعارى باعالايدى»، - دەپ اتاپ ءوتتى ولار.

بۇرىنعى وتانداستارىمىزدان التىن بەلگى مەن قۇرمەت گراموتاسىن قابىلداي وتىرىپ، قازاقستاننىڭ گەرمانياداعى ەلشىسى بولات ءنۇسىپوۆ مەملەكەت باسشىسىنىڭ ەرەكشە ەڭبەگىنىڭ باعالانعانى ءۇشىن العىس ءبىلدىردى. ول مەملەكەتتىك ۇلتارالىق ساياساتتىڭ جەتىستىگى بيىل 20 جىلدىق مەرەكەسىن اتاپ ءوتىپ جاتقان قازاقستان حالقى اسسامبلەياسىنىڭ ءتيىمدى جۇمىسىمەن قامتاماسىز ەتىلىپ وتىرعانىن جەتكىزدى. مەملەكەت باسشىسىمەن باستاماسىمەن جۇزەگە اسىرىلعان ۇلتارالىق كەلىسىمنىڭ قازاقستاندىق مودەلى الەمنىڭ بارلىق جەتەكشى ەلدەرىنەن قولداۋ تاۋىپ وتىر. نەمىس ساياساتكەرلەرى «قازاقستان ورتالىق ازياداعى تۇراقتىلىقتىڭ كەپىلى» جانە بولاشاقتا قازاقستان وسى ءرولدى ءارى قاراي اتقاراتىن بولادى دەپ سان رەت اتاپ ءوتتى.

قازاقستاندىق ديپلومات، سونداي- اق گەرمانيانىڭ قونىس اۋدارۋشىلار ۇيىمدارى وداعى قازاقستانمەن ۇزاق جىلدار بويى جەمىستى قارىم- قاتىناس جاساپ وتىرعانىن اتاپ ءوتىپ، ەكى ەل اراسىن قوساتىن «جاندى كوپىر» بولىپ تابىلاتىن نەمىس ۇلتتى ق ر ازاماتتارىن قولداۋ جونىندەگى ەكىجاقتى ىنتىماقتاستىق قر مەن گفر اراسىنداعى مادەني- گۋمانيتارلىق جانە ساۋدا- ەكونوميكالىق سالالارداعى قاتىناستارىن جالعاستىرادى دەگەن سەنىم ءبىلدىردى.