قازاقستان مەن ءۇندىستان تۋريزم سالاسىندا بىرلەسكەن جوبالاردى دامىتپاق
«ورتالىق ازيا بۇل ۇندىلىك تۋريستەر ءجيى باراتىن ورىنداردىڭ ءبىرى. ءبىز مادەنيەت، زەرتتەۋ جانە ءبىلىم بەرۋ سالاسىنداعى بايلانىستاردى كۇشەيتۋدەمىز» ، - دەدى ن. مودي نازاربايەۆ ۋنيەرسيتەتىندە وقىعان ءدارىسى بارىسىندا.
ونىڭ اتاپ وتۋىنشە، بۇگىنگى تاڭدا اپتا سايىن 50 دەن استام اۋە رەيسى ورتا ازيالىق 5 ەلدى ءۇندىستان استاناسىمەن بايلانىستىرىپ وتىر. بۇل رەتتە ۇشاقتاردىڭ ۇشۋ ۇزاقتىعى چينايدان دەلي قالاسىنا دەيىنگى ۋاقىتپەن شامالاس. بۇعان قوسا، ورتالىق ازيانىڭ مىڭداعان كاسىبي مامان، كاسىبي قىزمەتكەرلەرى جانە ستۋدەنتتەرى ءۇندىستاندا ءبىلىم الۋدا.
«ءۇندىستاننىڭ كوپتەگەن ازاماتتارى سىزدەردىڭ وڭىرلەرىڭىزدەگى ۋنيۆەرسيتەتتە ءبىلىم الۋدا. وڭىردە اقپاراتتىق جانە كوممۋنيكاتسيالىق تەحنولوگيالار سالاسىنداعى الدىڭعى قاتارلى تاجىريبەلەر ورتالىعى اشىلۋدا. ءبىز بۇل تۇرعىدا جاستارىمىزدى ودان ارى دا بۇل ىسكە جۇمىلدىرا تۇسەمىز»، - دەدى ءۇندىستان پرەمەر- ءمينيسترى.
اۆتور: مارلان جيەمباي
