شەتەلدە تۇراتىن قانداستارىمىز ق ر پرەزيدەنتىن تۋعان كۇنىمەن قۇتتىقتادى
بۇل تۋرالى قازاقپاراتقا دۇنيەجۇزىلىك قازاقتار قاۋىمداستىعىنان حابارلادى.
«بۇگىندە بۇكىل الەمنىڭ قازاقتارى بولاشاققا ۇلكەن سەنىممەن قارايدى. ءبىز، تۇمەن وبلىسىنىڭ قازاقتارى دا مۇنى اسا ريزاشىلىقپەن سەزىنىپ وتىرمىز ءارى ماقتانىش تۇتامىز. ويتكەنى ءبىزدىڭ تاريحي وتانىمىز ءجۇز جىل بۇرىن اتا- بابالارىمىز شىعىس پەن باتىستى بىرىكتىرگەندەي قاناتىن كەڭ جايدى جانە ادامزاتقا تاتۋ كورشىلىك، گۋمانيزم نەگىزىندە حالىقتى بىرىكتىرە الاتىن جاڭا بالاما جوبانى ۇسىنۋعا دايىن»، - دەلىنگەن «تۇمەن وبلىسى قازاقتارىنىڭ ۇلتتىق- مادەني اۆتونومياسى» ق ب باسشىسى ەسەنعالي يبرايەۆ قول قويعان حاتتا.
حات اۆتورلارىنىڭ سوزدەرىنە قاراعاندا، بارلىق ۋاقىتتا دا حالىق ءوز ورتاسىنداعى جەكە تۇلعالاردىڭ ارقاسىندا العا جىلجىپ وتىرعان. ءوز حالقىنىڭ تاريحىن ونىڭ قاھارماندارى جاساعان. الەمنىڭ بارشا قازاقتارى ءۇشىن مۇنداي قاھارمان نۇرسۇلتان نازاربايەۆ بولىپ تابىلادى.
«تاريحتىڭ كۇردەلى كەزەڭىندە، اتا- بابالارىمىزدىڭ مادەني جانە رۋحاني قۇندىلىقتارىن جوعالتۋ ماسەلەسى ۋشىققاندا، قازاقتار تۋعان جەرىندە ازشىلىققا ۇشىراعاندا حالىقتىڭ كوشباسشىسى بولۋ سىزگە بۇيىردى. ءسىز قازاقستاندى العا جەتەلەپ، قولدا باردى ساقتاپ، ونى ەسەلەپ، سىزگە امانات ەتىپ قالدىرىلعان حالىقتىڭ ابىرويىن اسقاقتاتا كوتەردىڭىز»، - دەپ جازادى تۇمەندىك قازاقتار.
