تانىمال «ءال- ارابيا» تەلەارناسى نۇرسۇلتان نازاربايەۆ تۋرالى دەرەكتى فيلم كورسەتتى

استانا. قازاقپارات - 6 -شىلدەدە مۇسىلمان الەمىنە تانىمال «ءال-ارابيا» تەلەارناسى قازاقستان رەسپۋبليكاسىنىڭ ساۋد ارابياسى كورولدىگىندەگى ەلشىلىگىمەن بىرلەسە وتىرىپ، ق ر پرەزيدەنتى نۇرسۇلتان نازاربايەۆ تۋرالى ارنايى دەرەكتى ءفيلمدى كورەرمەندەردىڭ نازارىنا ۇسىندى، دەپ حابارلايدى ق ر س ءى م باسپا ءسوز قىزمەتى.

بۇل تاريحي فيلمدە قازاقستاننىڭ قالىپتاسۋىنا جانە حالىقارالىق ساياساتتىڭ دامۋىنا پرەزيدەنت نۇرسۇلتان نازاربايەۆتىڭ قوسقان ەرەن ەڭبەگى، قىسقا مەرزىم ىشىندە ەلىمىزدىڭ قارقىندى دامۋى، ەلباسى ايقىنداعان قازاقستاندىق جولدىڭ بيىك بەلەستەردى وتكەرگەندىگى تۋرالى دەرەكتەر كورسەتىلگەن. سونىمەن قاتار، پرەزيدەنتتىڭ ۇلت كوشباسشىسى، ازامات جانە ادام رەتىندەگى كوپقىرلى تۇلعاسى اتالمىش فيلمدە ايقىندالعان.

«ءال-ارابيا» - 2003 -جىلدان بەرى تاۋلىك بويى جۇمىس ىستەيتىن، اراب تىلىندە حابار تاراتاتىن جەرسەرىكتىك تەلەارنا. شتاب- پاتەرى دۋبايدا ورنالاسقان. تەلەارنا اۋديتورياسى 30 ملن. ادامدى قۇرايدى. «ءال- ارابيا» تەلەارناسىنىڭ باعدارلامالار ءتىزىمىن جاڭالىقتار، ساراپتامالىق حابارلار، توك- شوۋ جانە دەرەكتى فيلمدەر تولىقتىرادى.