حالىق بانكى ءوز كليەنتتەرىنىڭ كارتالارىن بۇعاتتايدى

استانا. قازاقپارات - حالىق بانكى ءوزىنىڭ كەيبىر كليەنتتەرىنىڭ كارتالارىن بۇعاتتايدى. كارتالارىنىڭ بۇعاتتالعانى تۋرالى پايدالانۋشىلار قاراجاتتى الا الماعان كەزدە نەمەسە قولما-قول اقشاسىز ەسەپ ايىرىسقان كەزدە بىلە الادى، دەپ جازادى kazpravda.kz.

بانك قىزمەتكەرى كارتوچكا ۇستاۋشىلاردىڭ بىرىنە تەلەفون ارقىلى ونىڭ تولەم قۇرالى اۆتوماتتى تۇردە بۇعاتتالعانىن حابارلاعان، سەبەبى الاياقتىق وپەراتسيا جاسالۋى مۇمكىن بولعان. ونىڭ ايتۋىنشا، الاياقتار بانكوماتتاردا «وقيتىن قۇرىلعى» پايدالانۋى مۇمكىن.

بانكتە كارتوچكانى قايتا اشۋعا بولاتىنىن اتاپ ءوتتى. بۇنىڭ جاۋاپكەرشىلىگىن ارينە، كليەنت ءوزى كوتەرەتىن بولادى. ال جاڭا كارتانى ۇستاۋشىنىڭ ءوتىنىشى بويىنشا 10-12 كۇندە الۋعا بولادى.

قارجى مەكەمەسىنىڭ وكىلى سول جانە باسقا دا سەبەپتەرمەن كوپتەگەن پايدالانۋشىلاردىڭ كارتالارى بۇعاتتالعانىن مالىمدەدى.

باسىلىم اتاپ وتكەندەي، اڭگىمە سكيممينگ دەگەن الاياقتىقتىڭ ءتۇرى جايىندا. قاسكۇنەمدەر بانكوماتقا بەينە كامەرامەن وقيتىن قۇرىلعى ورناتىپ قويادى دا جالعان تولەم كارتالارىن قولدان دايىندايدى.