جاپونيانىڭ قازاقستانداعى ەلشىلىگىنىڭ ءۇشىنشى حاتشىسى ارال اۋدانىندا بولدى
جاپون ەلىنىڭ حالىقتىق الەۋمەتتىك جاي- كۇيىن قامتاماسىز ەتۋ ماقساتىندا الەۋمەتتىك جوبالاردى ىسكە اسىراتىن «كورني تراۆى» باعدارلاماسى قازاقستاندا 1997 - جىلدان بەرى جۇزەگە اسىرىلۋدا. باعدارلامانىڭ ماقساتى ۇكىمەتتىك ەمەس ۇيىمداردىڭ اۋرۋحانا، مەكتەپ، تاعى باسقا الەۋمەتتىك نىسانداردى كۇردەلى جوندەۋدەن وتكىزۋگە جانە سالۋعا جاسالعان جوبالارىنا وتەۋسىز قارجىلاي كومەك كورسەتۋ.
اۋدانىمىزعا كەلگەن مارتەبەلى مەيمان ءوڭىردىڭ باسشىسىمەن بىرلەسە وتىرىپ باعدارلاما اياسىندا الدا اتقارىلار جۇمىستاردى پىسىقتادى. ماريكو ارال تەڭىزى جانىنداعى ەكولوگيالىق قور مەن جاسالعان جۇمىستاردى ءوز كوزىمەن كورۋدى ماقسات ەتكەندىگىن دە اتاپ ءوتتى. ساپار بارىسىندا قۇرمەتتى مەيمان ارالدىڭ تاريحىمەن، تۇرعىنداردىڭ تىنىس- تىرشىلىگىمەن تانىسىپ، ۇسىنىستاردى تىڭداپ، پىكىرلەسىپ قايتتى.
