سارا نازاربايەۆا قازاقستان پرەزيدەنتىن تۋعان كۇنىمەن گازەت ارقىلى قۇتتىقتادى
«كومسومولسكايا پراۆدا» گازەتىنىڭ رەداكسياسىنا قىزىلوردادان قازاقستان پرەزيدەنتىنىڭ جارىمەن اتتاس 21 جاستاعى سارا نازاربايەۆا ەسىمدى ستۋدەنت قىزدان حات كەلىپ ءتۇستى. گازەت ستۋدەنت قىزدىڭ تىلەگىن جاڭا نومەرىنە باسىپ شىعاردى.
«ءبىزدىڭ قىمباتتى پرەزيدەنتىمىز، ءسىزدى وسىناۋ ەرەكشە كۇنمەن قۇتتىقتايمىن! ءبىرىنشى كەزەكتە سىزگە ۇزاق ءومىر تىلەگىم كەلەدى. مەن تاۋەلسىزدىگىمىز قالىپتاسقان قيىن-قىستاۋ كەزەڭدە ءسىزدىڭ ورىنىڭىزدا كوپ ادام بولا الماس ەدى عوي دەپ ءجيى ويلايمىن. ءسىزدىڭ ارقاڭىزدا ءبىز سول جولدى توپالاڭسىز، بيلىك ءۇشىن تالاسسىز وتە الدىق. ءبىز ەلىمىزدە بەيبىتشىلىك پەن تىنىشتىقتى ساقتاي الدىق. مەن بار جۇرەگىممەن ءسىزدى قوستايمىن جانە سوڭىنا دەيىن ءسىزدى قولدايمىن. ءسىز تەك جاقسى ەلباسى ەمەس، جاقسى ادامسىز، مەن ونى سەزەمىن. ءسىزدىڭ ءاردايىم باقىتتى بولعانىڭىزدى قالايمىن! دەنساۋلىق تىلەيمىن، سەبەبى تابيعي بايلىعى مول، اۋماعى جاعىنان الەمدە توعىزىنشى ورىندا تۇرعان قازاقستان سياقتى ەلدىڭ پرەزيدەنتى بولۋ وڭاي ەمەس. ءسىزدى تەك ادال ءارى جاقسى ادامدار قورشاسىن»، - دەپ جازدى سارا نازاربايەۆا.
قىز - وتباسىنداعى جالعىز پەرزەنت جانە وعان پرەزدەنتتىڭ جارىنىڭ قۇرمەتىنە سارا دەگەن ەسىمدى بەرۋدى اجەسى ۇسىنىپتى. «اجەم مەنىڭ تاربيەمدە ۇلكەن ءرول اتقاردى. (...) مەنىڭ اتا-انام ءبىر سىنىپتا وقىپ، 18 جاستارىندا ۇيلەنگەن، كوپ ۇزاماي مەن ومىرگە كەلدىم! اجەم جاستارعا بار جاعىنان كومەك كورسەتتى. اتام مەن تۋىلعاندا ومىردەن ءوتتى، سوندىقتان مەنىڭ ەسىمدە جوق»، - دەيدى سارا نازاربايەۆا جانە ول قازاقستان پرەزيدەنتىن نەلىكتەن گازەت ارقىلى قۇتتىقتاۋعا بەل شەشكەنىن ايتىپ بەردى.
«مەن مەكتەپ جاسىنان باستاپ ادامداردىڭ نازارىندا بولۋدى ۇيرەندىم. مىسالى: «مەنىڭ اتى-ءجونىم شىنىندا وسىنداي ما؟» دەگەن سياقتى سۇراقتارعا بايسالدى جاۋاپ بەرەمىن. ارينە، ەرەكشەلەنگەن جاعىمدى. مەن قازىر سۇلەيمان دەميرەل ۋنيۆەرسيتەتىنىڭ فيلولوگيا فاكۋلتەتىنىڭ ءتورتىنشى كۋرسىندا وقيمىن. مەن ءوز بولاشاعىمدى جوسپارلاۋعا تىرىسامىن جانە مەندە ءاردايىم جاڭا ماقسات بار.
ءبىراق ولارمەن بولىسە بەرۋدى ۇناتپايمىن. ەڭ اۋەلگى جوسپارلارىمنىڭ ءبىرى - وقۋدى ءبىتىرىپ، ءوز ۋنيۆەرسيتەتىمدە نەمەسە قازاق-تۇرىك ليتسەيىندە ساباق بەرۋ»، - دەپ ءوز جوسپارىمەن ءبولىستى ستۋدەنت قىز.
