قازاق ەير ۇشاقتارى قانداي بولادى
شاراعا قاتىسۋشىلار Qazaq Air كومپانياسىنىڭ ءبىرىنشى بورتىن كورسەتتى - Bombardier Dash 8 Q400 جاڭا زاماننىڭ ەكى قوزعالتقىشتى تۋربوۆينت ۇشاعى.
تانىستىرىلىمدا ۇسىنىلعان Bombardier Dash 8 Q400 ۇشاعى اۋە كومپانياسىندا بار ءۇش بورتتىڭ ءبىرى. مۇنى كومپانيا وسى اتتاس كونسەرننەن تاپسىرىسپەن الدىرعان. «بۇل زاماناۋي تۋربوۆينت ۇشاعى، ونىڭ بىرەگەي تەحنيكالىق مۇمكىندىكتەرى، شۇعىل يىلگىشتىگى جانە جولاۋشىلارعا دەگەن جايلىلىعى بار. بۇل مودەلدىڭ جىلدام ۇشاتىن نۇسقالارى وسى تۇردەگى ۇشاقتاردىڭ ەڭ بيىگى سانالادى، ال جانارماي شىعىنى رەاكتيۆ ۇشاقتارعا قاراعاندا 30 پايىزعا از كەلەدى»، - دەلىنگەن تانىستىرىلىم كەزىندە تاراتىلعان باسپا ءسوز حابارلاماسىندا.
Qazaq Air اۋە كومپانياسىنىڭ جوبا ديرەكتورى بلەر پوللوك تىلشىلەردىڭ سۇراعىنا جاۋاپ بەرە وتىرىپ، اۋە بيلەتتەرىنىڭ قۇنىن اتاي المادى، الايدا ولاردىڭ «قىزىقتى باعا» بولاتىنىن اتاپ ءوتتى.
«سايتتى ىسكە قوسقانىمىزدا باعالارىن كورەسىزدەر. ەگەر ەرتە ساتىپ الاتىن بولساڭىزدار، ارينە، جەتى مىڭداي بولادى، ال ەگەر ەرتەڭ بولاتىن رەيسكە الساڭىز باعاسى قىمبات. الايدا قازىرگى ۋاقىتتا ناقتى ۇشۋ باعاسىن اتاي المايمىز»، - دەدى پوللوك.
«ءبىزدىڭ ءبىرىنشى رەيسىمىز 20 -شىلدەدە بولادى دەپ ۇمىتتەنەمىز. ءبىرىنشى رەيس الماتىدان پاۆلودارعا ۇشادى»، - دەدى پوللوك.
سونىمەن قاتار، پوللوك لوگوتيپ ءمانىن ءتۇسىندىردى. «قازاقستان ادامدارىن قوسۋ» دەگەن تاقىرىپقا نەگىزدەلە وتىرىپ، ءبىز لوگوتيپ جاسادىق، ول ەل تەرريتورياسىە 14 دوڭگەلەكپەن - قازاقستان وڭىرلەرىمەن بايلانىستىرىلادى»، - دەدى ول. اۋە كومپانياسىنىڭ ۇران ءسوزى «ءبىز ۇزدىكپىز، ءبىز جاقىنبىز».
