انتاليادا ق ر پرەزيدەنتى مەن استانا كۇنى قۇرمەتىنە پاراپلان ۇشىرىلدى - فوتو
وندا ق ر پرەزيدەنتىنىڭ پلاكاتتارىمەن جانە قازاقستان تۋى بەكىتىلگەن پاراپلاندار ۇشىرىلدى.
شاراعا جەرگىلىكتى جانە شەتەل تۋريستەرى، ق ر باسپا ءسوز وكىلدەرى، انتاليا تۇرعىندارى قاتىستى، دەپ حابارلادى تۇركياداعى ق ر ەلشىلىگىنەن.
شارا انتاليا جاعالاۋىندا ق ر پرەزيدەنتى ن. نازاربايەۆتىڭ پلاكاتتارى مەن قازاقستان تۋى ىلىنگەن پاراپلانداردى ۇشىرۋدان باستالدى. كورىنىستى قالا تۇرعىندارى، تۋريستەر جوعارى باعالادى.
اكسيانىڭ باستاماشىسى - انتاليا پروۆينتسياسى الانياداعى قازاقستاننىڭ قۇرمەتتى كونسۋلى، بەلگىلى بيزنەسمەن احمەت دجەبەدجي، ول قازاقستاندىقتاردى استانا كۇنىمەن، قازاقستاننىڭ تۇڭعىش پرەزيدەنتىن 75 جىلدىعىمەن قۇتتىقتاپ، ەلگە جوعارى جەتىستىكتەر تىلەدى.
«قىسقا مەرزىمدە ەۋرازيالىق قۇرلىقتا كوشباسشى مەملەكەتتەردىڭ بىرىنە اينالعان باۋىرلاس قازاقستان ەلىنىڭ جەتىستىكتەرىنە تاڭدانا قارايمىز. قازاقستان بۇگىندە تۇرىك الەمىنىڭ كوشباسشىسىنا اينالعان ق ر پرەزيدەنتى ن. نازاربايەۆتىڭ سارابدال ساياساتىنىڭ ارقاسىندا حالىقارالىق ارەنادا ۇلكەن جەتىستىكتەرگە قول جەتكىزدى. ورتالىق ازيانىڭ كىندىگى سانالاتىن استانا قالاسى پرەزيدەنت ن. نازاربايەۆتىڭ ءتول تۋىندىسى. قازاقستان حالقىن استانا كۇنىمەن، ق ر پرەزيدەنتى ن. نازاربايەۆتى 75 جىلدىعىمەن شىن جۇرەكتەن قۇتتىقتايمىن!»، - دەدى ا. دجەبەدجي.
