وسكەمەندىكتەر ەلوردا كۇنىن استانا كوشەسىندە اتاپ ءوتتى - فوتو

وسكەمەن. قازاقپارات - وسكەمەندىكتەر ەلوردا كۇنىن استانا كوشەسىندە اتاپ ءوتتى، وندا ءتۇرلى مەرەكەلىك شارالار ۇيىمداستىرىلدى.

ەلوردا كۇنى استانا كوشەسىنەن باستاۋ الىپ، مەرەكە بۇكىل قالا بويىنشا جالعاستى. مەرەكەلىك باعدارلاما سپورتشىلار مەن تىلەك بىلدىرۋشىلەر قاتىسقان ۆەلوجارىستان باستالدى.

وكىنىشكە وراي، قالادا ەكىنشى كۇن جاڭبىر جاۋىپ تۇر. سوندىقتان ۆەلوجارىسقا كوپ ادام قاتىسقان جوق. ۆەلوجارىس باستالعاننان كەيىن ءبىر ساعاتتان سوڭ قالالىقتار «استانا -ەۋرازيا جۇرەگى» اتتى مەرەكەلىك كونسەرتكە جينالدى.

ساحنادا اندەر ايتىلىپ، جاستار «موتو-لەدي» بايك-شوۋىن تاماشالادى. قىزدار جارىسقا ءتۇسىپ، جىگىتتەر سىرتتان باقىلاعان ەرەكشە شاراعا اينالدى.

قىزدار موتوتسيكلدە تۇرىپ سۋ تاپانشاسىنان وق اتتى، جاستىقتارمەن شايقاستى، قاپپەن جۇگىردى جانە ت. ب. استانا كۇنىنە ارنالعان اۆتوجارىستا ءوز باعىن سىناماق بولعان جاس اۆتوبيلشىلەر دە كوپ كورەرمەن جينادى.

مۇراجاي-قورىقتىڭ سول جاعالاۋىنداعى كەشەندە ساندىك قولدانبالى شىعارماشىلىق شەبەرلەرىنىڭ كورمە-جارمەڭكەسى ۇيىمداستىرىلدى. اق كيىز ءۇيدىڭ جانىنا قالانىڭ 20 دان استام شەبەرى ءوز تۋىندىلارىن قويدى. جالپى، كورمەگە ءتۇرلى جانر مەن ستيلدەگى 300 دەن استام ەڭبەك قويىلدى.

تۇسكە قاراي قالالىق ساياباقتاردا استانا كۇنىنە ارنالعان مەرەكەلىك باعدارلامالار جالعاسىن تاپتى. كومسومول ارالىندا شاعىن فۋتبولدان قالالىق جارىس ءوتتى.