رينات زايىتوۆ «ءبورىلى بايراق» رەسپۋبليكالىق اقىندار ايتىسىندا باس جۇلدەنى يەلەندى

استانا. قازاقپارات - كەشە استانا قالاسىندا جىلداعى ءداستۇر بويىنشا «مىڭجىلدىقتار توعىسىنداعى استانا»، «كوشپەندىلەر وركەنيەتى» فەستيۆالى اياسىندا ۇيىمداستىرىلعان «ءبورىلى بايراق» اتتى رەسپۋبليكالىق اقىندار ايتىسى ءوز مارەسىنە جەتتى.

 ايتىس 4-5 - شىلدە ارالىعىندا «حان- شاتىر» ويىن- ساۋىق ورتالىعىنىڭ ماڭىنداعا ەتنواۋىل الاڭىندا ءوتتى. ءسوز سايىسىندا رەسپۋبليكا بويىنشا 16 ايتىسكەر باق سىنادى.

 اتاپ ايتقاندا كوپشىلىككە كەڭىنەن تانىمال سەرىكزات دۇيسەنعازى (استانا)، ايبەك قاليەۆ (ارقالىق)، باۋىرجان حاليوللا (ورال)، جارقىنبەك ناۋشابەكوۆ (و ق و)، رينات زايىتوۆ (الماتى)، يران- عايىپ كۇزەمبايەۆ (استانا)، زۋرا ءشايدىمۇرات قىزى (الماتى)، قاليجان بىلداشيەۆ (شىمكەنت)، بوتاگوز مۇحيدەن قىزى (استانا)، ەرشات قايبولدينمەن (اقتوبە) قاتار ايتىس ساحناسىنا جاڭادان كوتەرىلىپ كەلە جاتقان حازىرەت بەردىحان (الماتى وبلىسى )، شۇعايىپ سەزىمحان (تۇركىستان)، دانيار الدابەرگەنوۆ (استانا)، سايات ابەنوۆ (قوستاناي)، دارحان ءابدىمانات (تاراز)، بەك شمات (استانا) سەكىلدى ايتىس جۇيرىكتەرى ونەر كورسەتتى.

 ءدۇبىرلى دودانىڭ ناتيجەسى بويىنشا بايگەنىڭ باس جۇلدەسى تانىمال ايتىسكەر رينات زايىتوۆقا بۇيىردى. اقىنعا  000 1000 تەڭگە كولەمىندە اقشالاي سىيلىق تابىس ەتىلدى. ال ءبىرىنشى ورىندى استانالىق اقىن يرانعايىپ كۇزەمبايەۆ يەلەندى. سونىمەن قاتار، ەكىنشى ورىندى شىمكەنتتىك قاليجان بىلداشيەۆ پەن ارقالىقتان كەلگەن ايبەك قاليەۆ سىندى اقىندار، ءۇشىنشى ورىندى سەرىكزات دۇيسەنعازى مەن ەرشات قايبولدينگە ءوز قانجىعالارىنا بايلادى.

baistars.kz