تۇركيانىڭ جالپى ۇلتتىق «ۆاتان» گازەتى قازاقستاننىڭ تۇڭعىش پرەزيدەنتىنە ارنايى ءنومىر ارنادى

گازەت كۇندەلىكتى 200 مىڭ دانامەن جارىق كورەدى.

تۇركيا ب ا ق- ىنىڭ بەلگىلى وكىلى، ساياسي شولۋشى، ءوز سالاسىنىڭ ساراپشىسى، «ۆاتان» گازەتىنىڭ رەپورتەرى كەمال ساللى كىرىسپە سوزىنە قازاقستان حالقىن استانا كۇنىمەن، ن. نازاربايەۆتى 75 جاسىمەن قۇتتىقتادى.

ونىڭ ايتۋىنشا، قازاقستان تاۋەلسىزدىگىنىڭ قالىپتاسىپ، نىعايۋىنا ونىڭ كوشباسشىسى - نۇرسۇلتان نازاربايەۆتىڭ ەسىمى تىكەلەي بايلانىستى.

«جيىرما ءتورت جىل بۇرىن جاڭا جۇلدىز جارق ەتىپ، جاس ەگەمەندى ەل قازاقستان رەسپۋبليكاسى پايدا بولدى. تاريحي ولشەممەن قىسقا مەرزىم ىشىندە باۋىرلاس ەل قازاقستان الەۋمەتتىك- ەكونوميكالىق دامۋدا ۇلكەن بيىكتەرگە كوتەرىلدى»، - دەدى ك. ساللى.

«ەل تاريحى، ونىڭ تاۋەلسىزدىگىنىڭ قالىپتاسۋى مەن نىعايۋى تۇركى الەمىنىڭ كوشباسشىسى - قازاقستاننىڭ تۇڭعىش پرەزيدەنتى نۇرسۇلتان نازاربايەۆتىڭ ەسىمىمەن تىكەلەي بايلانىستى. باۋىرلاس قازاقستاننىڭ تۋى ماڭگى بيىكتەن جەلبىرەپ، تاۋەلسىز مەملەكەتتىڭ اتاق- داڭقى، مارتەبەسى ارتا بەرسىن. تاۋەلسىز ەلگە جەتىستىك، تۇراقتىلىق، تابىس تىلەيمىن»، - دەپ ءسوزىن تۇيىندەدى تۇرىك شولۋشىسى.

اۆتور بىرنەشە رەت قازاقستانعا كەلىپ، ق ر- داعى بولىپ جاتقان وقيعالاردى ەرەكشە قىزىعۋشىلىقپەن باقىلاعان. استاناعا كەلگەن تۇرىك جۋرناليسى، قوعام قايراتكەرى قازاقستاننىڭ جاس ەلورداسىنىڭ قارقىندى دامۋ بارىسىن جەتكىزۋ ءۇشىن ءوز ەلىنە ۇنەمى شابىتتانا ورالادى.

 وقىرماندار باسىلىمعا ەلىنىڭ دامۋى بويىنشا باستامالاردا قازاقستان پرەزيدەنتى ن. نازاربايەۆ ءوز ەلىنىڭ كەلەشەگىن ءدوپ باسىپ بولجاي بىلگەنى، اۋقىمدى ينفراقۇرىلىمدىق جوبالار - كولىك- لوگيستيكالىق ينفراقۇرىلىم، جولدار، مەملەكەتتىك جالعا بەرىلەتىن تۇرعىن ءۇي، تكش، ەنەرگەتيكالىق قۋاتتى جاڭعىرتۋ ارقىلى ق ر ەكونوميكاسىن دامىتۋدىڭ ناقتى شارالارىن ىسكە اسىرا بىلگەندىگى جايلى پىكىرلەر قالدىرعان.