09:51, 07 - شىلدە 2015 | GMT +6
الەمدەگى ەڭ قاۋىپتى سۋسىن اتالدى
استانا. قازاقپارات - ا ق ش- تىڭ اۋرۋلاردىڭ الدىن الۋ جانە باقىلاۋ ورتالىعىنىڭ زەرتتەۋشىلەرى ەڭ قاۋىپتى سۋسىندى اتادى.
ولاردىڭ پايىمىنشا، ادام دەنساۋلىعىنا شيكى ءسۇت كوپ قاۋىپ توندىرەدى. بۇل تۋرالى Daily Mail جازدى.
وسىنداي ءسۇت ادام اعزاسىنا قاۋىپتى، ءتۇرلى دەرتتەردىڭ تۋۋىنا سەبەپ بولاتىن، ءتىپتى، كەي جاعدايلارعا ولىمگە اكەلەتىن سالمونەللا، ليستەريا جانە وسى سىندى ت. ب باكتەريالاردىڭ كوبەيۋىنە جاعداي جاسايدى ەكەن. وسىلايشا، شيكى ءسۇتتى پايدالانۋ دەنساۋلىقتىڭ ناشارلاۋىنا اسەرىن تيگىزۋى مۇمكىن.
ا ق ش- تىڭ اۋرۋلاردىڭ الدىن الۋ جانە باقىلاۋ ورتالىعىندا شيكى سۇتتەگى زياندى باكتەريالار تەك 15 سەكۋندتان كەم ەمەس 72 گرادۋستان استام ىستىق تەمپەراتۋرادا قايناتقاننان كەيىن عانا جويىلاتىنىن ەسكە سالدى.
