قازاقستاننىڭ قىتايداعى ەلشىسى ق ح ر ەنەرگەتيكا جونىندەگى مەملەكەتتىك باسقارماسىنىڭ باسشىسى نۇرباكىرمەن كەزدەسۋ وتكىزدى
كەزدەسۋ بارىسىندا اتوم ەنەرگەتيكاسى، مۇناي، گاز جانە كومىر ونەركاسىبى سالالارىنداعى ەكىجاقتى ىنتىماقتاستىقتىڭ قازىرگى جاي-كۇيى مەن پەرسپەكتيۆالارى تالقىلاندى.
تاراپتار سونداي-اق «نۇرلى جول» ق ر جاڭا ەكونوميكالىق ساياساتىنىڭ نەگىزگى قاعيدالارىن تالقىلادى جانە ونىڭ «جىبەك جولى ەكونوميكالىق بەلدەۋى» تۇجىرىمداماسىن ءوزارا تولىقتىراتىنىنا نازار اۋداردى.
كەزدەسۋ قورىتىندىلارىمەن تاياۋ ۋاقىتتا ىنتىماقتاستىق جونىندەگى قازاقستان-قىتاي كوميتەتىنىڭ ەنەرگەتيكا سالاسىنداعى ىنتىماقتاستىق بويىنشا كىشى كوميتەتىنىڭ وتىرىسىن وتكىزۋ قاجەتتىگى جانە ق ح ر دامۋ جانە رەفورمالار جونىندەگى مەملەكەتتىك كوميتەت ءتوراعاسىنىڭ ورىنباسارى، ەنەرگەتيكا جونىندەگى مەملەكەتتىك باسقارما ءتوراعاسى نۇرباكىردىڭ قازاقستانعا ساپارىن ۇيىمداستىرۋ جونىندە ۋاعدالاستى.
ەسكە الا كەتەيىك، نۇرباكىر 2007-جىلعى جەلتوقساننان 2014-جىلعى جەلتوقسانعا دەيىن قىتاي كومپارتياسى شىنجاڭ كوميتەتى حاتشىسىنىڭ ورىنباسارى جانە شىنجاڭ-ۇيعىر اۆتونوميكالىق ولكەسى حالىقتىق ۇكىمەتىنىڭ ءتوراعاسى بولىپ قىزمەت اتقاردى.
