پاۆلودارلىق بيشىلەر يسپانياداعى «جەرورتا تەڭىزىنىڭ اڭىزى» حالىقارالىق فەستيۆالىنىڭ جەڭىمپازى بولدى

پاۆلودار. قازاقپارات - پاۆلودار مەكتەپ وقۋشىلارى سارايىنىڭ «بلەيز» ەسترادالىق ءبي ستۋدياسىنىڭ ۇجىمى يسپانيادان تابىستى ورالدى.

بيشىلەر «جەرورتا تەڭىزىنىڭ اڭىزى» حالىقارالىق فەستيۆالىنىندە جەڭىمپاز اتانىپ، ءۇش بىردەي ءبىرىنشى ورىنعا يە بولدى.

«بلەيز» МІХТА ارالاس ساناتتاعى ەسترادالىق ءبي اتالىمىنا قاتىستى، - دەدى ستۋديا جەتەكشىسى ليۋبوۆ كورنيۋحينا. - ەرەسەك توپ ءستيلدى حالىقتىق جانە ەسترادالىق ءبي اتالىمىندا سايىسقا ءتۇستى. ءبىز ەۋروپالىق كورەرمەندەرگە بىرنەشە ءبي كومپوزيتسياسىن ۇسىندىق. ورتا جانە كىشى توپتار ۇجىمى ءبىر-بىردەن بيلەر ۇسىندى. ەڭ ۇلكەن كونكۋرسقا ءبىزدىڭ 30 ادامنان تۇراتىن بارلىق توپ تۇگەل قاتىستى».

فەستيۆال-كونكۋرس ءوزىنىڭ اۋقىمى مەن باعدارلاماسىنىڭ كوپتىگىمەن بىرەگەي. ول ءبىر مەزگىلدە يسپانياداعى بارسەلونا-كوستا براۆا، فرانسياداعى كاننى -نيتستسا، موناكو كنيازدىگىندەگى موناكو جانە يتالياداعى سان-رەمو قالالارىندا ءوتتى.

«بلەيز» ستۋدياسى مەكتەپ وقۋشىلارى سارايىندا 24 جىلدان بەرى ل. كورنيۋحينانىڭ اۆتورلىق باعدارلاماسى بويىنشا جۇمىس ىستەيدى. وعان 5 تەن 17 جاسقا دەيىنگى بالالار قاتىسادى. پاۆلودارلىق بيشىلەردىڭ تابىستارىنا يسپانيادا، اۆستريادا، بولگاريادا، يتاليادا، رەسەيدە وتكەن حالىقارالىق فەستيۆالداردا العان ناگرادالار كوللەكسيالارى دالەل. بيىلعى جىلى ۇجىم رەسپۋبليكالىق دەلفي ويىندارىندا التىن مەدالدى جەڭىپ الدى.