08:29, 06 - شىلدە 2015 | GMT +6
شىمكەنتتە ايەلدى تاسپەن ۇرىپ ءولتىردى دەگەن كۇدىكپەن ەر ادام ۇستالدى
استانا. قازاقپارات - پوليتسيا قىزمەتكەرلەرى شىمكەنتتە ايەلدى تاسپەن ۇرىپ ءولتىردى دەگەن كۇدىكپەن ەر ادامدى قولعا ءتۇسىردى، دەپ حابارلايدى جەرگىلىكتى TVK تەلەارناسى.
«شىمكەنتتىڭ ءى ءى ب باسشىسى پودپولكوۆنيك دانيار مەيىرحاننىڭ حابارلاۋىنشا، كۇدىكتىنى شۇعىل ارەكەت ەتۋ توبى جامبىل وبلىسىندا قولعا تۇسىرگەن. جاسى 34 تە. ال قازا تاپقان ايەلدىڭ جاسى 26 دا بولعان»، - دەلىنگەن تەلەارنا تاراتقان حابارلامادا.
ەستەرىڭىزگە سالا كەتەيىك، 4- شىلدە كۇنى قالانىڭ 11-شاعىن اۋدانىندا ايەل ادامنىڭ دەنەسى تابىلعان. مارقۇمنىڭ باسىن بىرەۋ تاسپەن ۇرىپ، جانشىعان. الايدا جاقىن ماڭداعى ءۇيدىڭ تۇرعىندارى ەشقانداي كۇدىكتى داۋىستى ەستىمەگەندىكتەرىن ايتقان.
