مەسسي ۇزدىك ويىنشىعا بەرىلەتىن امەريكا كۋبوگى جۇلدەسىنەن باس تارتتى
بۇل تۋرالى يتاليان جۋرناليسى تانكرەدي پالمەري ءوزىنىڭ تۆيتتەردەگى پاراقشاسىندا جازدى، دەپ حابارلادى Lenta.ru.
پالمەريدىڭ ايتۋىنشا، ارگەنتينالىقتىڭ جۇلدەدەن باس تارتۋى ماراپاتتاۋ ءراسىمى ۇدەرىسىندەگى ون مينۋتتىك ىركىلىسكە سوقتىردى، ويتكەنى تۋرنيردى ۇيىمداستىرۋشىلار مەسسيدى كوندىرۋگە تىرىستى. جۋرناليست فۋتبولشى كۇلكىگە قالماس ءۇشىن وزىنە ناگرادا تاپسىرۋعا باتىل قارسى شىققانىن ءتۇسىندىردى، 2014-جىلعى الەم چەمپيوناتىندا دا ارگەنتينا فينالدا گەرمانياعا جول بەرگەنىنە (0:1) قاراماستان ول ۇزدىك ويىنشى بولىپ تانىلعان ەدى.
اقىرىندا جۇلدە ەشكىمگە دە بەرىلگەن جوق.
ا ك-2015 توپتىق كەزەڭىندە پاراگۆايمەن (2:2) ماتچ ءۇشىن مەسسي كەزدەسۋدىڭ ۇزدىك ويىنشىسى بولىپ تانىلعان بولاتىن، ءبىراقتا سول كەزدە دە ول جۇلدەدەن باس تارتتى. سول ويىندا شابۋىلشى پەنالتيدە ءبىر دوپ سوقتى. تۋرنيردە ارگەنتينالىق ءبىر گولمەن جانە ءۇش ناتيجەلى دوپ بەرۋمەن عانا كوزگە تۇسكەن بولاتىن.
